Aqsýat aýdanyna qarasty Qojakeldi aýylynda jergilikti qaýymdastyqtyń sanaly tańdaýyn aiqyndaityn mańyzdy kezdesý ótti. Atqarýshy organdardyń ókilderi, aqsaqaldar keńesi, aýyl imamy, politsiia bóliminiń bastyǵy, ýchaskelik inspektor jáne aýyl turǵyndary negizgi áleýmettik máselelerdi talqylady. Nátijesinde biraýyzdan alkogoldi ishimdikterden tolyq bas tartýǵa sheshim qabyldandy,-dep habarlaidy Dalanews.kz
Sheshimniń negizinde dástúrli qundylyqtar, otbasylyq bereke jáne salaýatty bolashaqqa degen umtylys jatyr.
Politsiia qyzmetkerleri sońǵy bes jyl ishinde Qojakeldide alkogoldi tutynýǵa bailanysty birde-bir qylmys nemese quqyq buzýshylyq tirkelmegenin atap ótti. Bul aýyl turǵyndarynyń joǵary áleýmettik jaýapkershiligin jáne aqsaqaldardyń jastardy parasattylyq jolyna baǵyttaýdaǵy mańyzdy rólin kórsetedi.
«Bizdiń tańdaýymyz – bul tyiym emes, bolashaq urpaqqa amanat eter igilikti ómirge sanaly umtylys», – dedi aýyl aqsaqaldarynyń biri.
Osyǵan deiin óńir boiynsha Keńgirbai bi, Bókenshi jáne Kindikti aýyldarynyń turǵyndary da ishimdikten bas tartqan.
