Semeide oishyl, aqyn, aýdarmashy, kompozitor Shákárim Qudaiberdiulynyń eskertkishi ashyldy. Sharaǵa oblys ákimi Nurlan Uranhaev, oblystyq máslihat tóraǵasy Shalqar Baibekov, depýtattar, ǵalymdar, abaitanýshylar, qoǵam belsendileri men oblys turǵyndary qatysty.
Shákárim Qudaiberdiulyna arnalǵan eskertkishtiń uzyndyǵy - tuǵyrymen qosa alǵanda 7,7 metr. «Shákárim Qudaiberdiuly» atty músindik kompozitsiiasy qoladan quiylyp, tuǵyry tutas granitten jasalǵan. Bul kompozitsiia arqyly músinshi Shákárimniń danyshpan beinesin oń qolyna kitap, sol qolyna tasbih ustatý arqyly beinelep kórsetti. Eskertkish avtory – Nurbol Qaliev. Óner týyndysy Shákárim dańǵyly men Qabanbai batyr kóshesiniń qiylysyna qoiyldy.
Eskertkishtiń ashylýyna orai Qazaqstan Respýblikasynyń Prezidenti Qasym-Jomart Toqaev quttyqtaý hat joldady. Hatty saltanatty sharada oblys ákimi Nurlan Uranhaev oqyp berdi.
Shákárim Qudaiberdiulynyń ádebi murasy asa bai. Ol poeziia, proza, aýdarma, tarih salasynda jumys istep, Abai dástúrinde demokrattyq-halyqtyq, gýmanistik-halyqtyq baǵyt ustanǵan. Onyń shyǵarmashylyǵy qazaq ádebietinde Abai ideialaryn jalǵastyrýshy realistik dástúrdi qalyptastyrdy. Onyń murasynyń tek qazaq halqy úshin ǵana emes, búkil túrki jáne shyǵys mádenieti úshin mańyzy zor.
Eskertkishtiń ashylý saltanatynyń Táýelsizdik kúni qarsańynda ótýiniń simvoldyq máni bar. Óitkeni Shákárimniń rýhani murasy azattyq pen táýelsizdik taqyrybymen úndes.
