Abai oblysynda Konstitýtsiianyń 30 jyldyǵyna orai er adamǵa qatysty qylmystyq is toqtatylyp, oǵan amnistiia qoldanyldy. Ol 337 túp qaraǵash kóshetin zańsyz qazyp alǵany úshin aiyptalǵan, dep habarlaidy Dalanews.kz.
Atalǵan azamatqa qatysty qylmystyq is Úrjar aýdany, Naýaly aýyldyq okrýginiń aýmaǵynda qaraǵash kóshetterin kúrekpen qazyp alǵannan keiin qozǵalǵan. Memleketke keltirilgen zalal 1,2 million teńgege baǵalanǵan.
Sot otyrysynda aiyptalýshy óz isine ókinetinin aityp, amnistiia qoldanýdy suraǵan. Buǵan deiin ol memleketke kelgen zalaldy tolyq ótegeni de atalyp ótti.
“Sot aiyptalýshynyń zań boiynsha qylmystyq is júrgizýdi toqtatýǵa qarsy bolmaǵanyn eskerip, al quqyqbuzýshylyq 2025 jylǵy 23 maýsymǵa deiin, iaǵni zań kúshine enbei turyp jasalǵanyn nazarǵa alyp, onyń ótinishin negizdi dep taýyp, qylmystyq isti toqtatty”, – delingen sot habarlamasynda.
