اباي وبلىسىندا كونستيتۋتسييانىڭ 30 جىلدىعىنا وراي ەر ادامعا قاتىستى قىلمىستىق ٸس توقتاتىلىپ, وعان امنيستييا قولدانىلدى. ول 337 تٷپ قاراعاش كٶشەتٸن زاڭسىز قازىپ العانى ٷشٸن ايىپتالعان, دەپ حابارلايدى Dalanews.kz.
اتالعان ازاماتقا قاتىستى قىلمىستىق ٸس ٷرجار اۋدانى, ناۋالى اۋىلدىق وكرۋگٸنٸڭ اۋماعىندا قاراعاش كٶشەتتەرٸن كٷرەكپەن قازىپ العاننان كەيٸن قوزعالعان. مەملەكەتكە كەلتٸرٸلگەن زالال 1,2 ميلليون تەڭگەگە باعالانعان.
سوت وتىرىسىندا ايىپتالۋشى ٶز ٸسٸنە ٶكٸنەتٸنٸن ايتىپ, امنيستييا قولدانۋدى سۇراعان. بۇعان دەيٸن ول مەملەكەتكە كەلگەن زالالدى تولىق ٶتەگەنٸ دە اتالىپ ٶتتٸ.
“سوت ايىپتالۋشىنىڭ زاڭ بويىنشا قىلمىستىق ٸس جٷرگٸزۋدٸ توقتاتۋعا قارسى بولماعانىن ەسكەرٸپ, ال قۇقىقبۇزۋشىلىق 2025 جىلعى 23 ماۋسىمعا دەيٸن, ياعني زاڭ كٷشٸنە ەنبەي تۇرىپ جاسالعانىن نازارعا الىپ, ونىڭ ٶتٸنٸشٸن نەگٸزدٸ دەپ تاۋىپ, قىلمىستىق ٸستٸ توقتاتتى”, – دەلٸنگەن سوت حابارلاماسىندا.
