Traktorda Borly ózeninen ótý kezinde sýda joǵalyp ketken eki azamatty izdestirý-qutqarý jumystary jalǵasýda, – dep habarlaidy Dalanews.kz Abai oblysy TJD baspasóz qyzmetine silteme jasap.
Izdestirý jumystaryna Abai oblysy jáne Jetisý oblysy TJD JQJ, politsiia departamenti, JAO, Qorǵanys Ministrliginiń kúshteri men quraldarynan, jergilikti turǵyndar, barlyǵy 63 adam, 4 júzý quraly, 9 birlik tehnika, 2 pilotsyz ushý apparatary, sondai-aq Politsiia departamentiniń bir kinologiialyq esebi jumyldyrylǵan. Olar kún saiyn saǵat 06.00-den bastap táýliktiń qarańǵy ýaqyty túskenge deiin izdestirý jumystaryn jalǵastyrýda.
Joǵalǵan adamdardy súńgýirlerdiń kómegimen izdestirý jumystary sý aidyndarynyń kóktemgi lastanýyna bailanysty sý asty kórinýiniń nasharlyǵymen jáne ózenniń aǵys jyldamdyǵymen kúrdelenetinin eskertemiz.
Sonymen qatar, izdestirý jumystaryna Qorǵanys ministrligi men "Qazaviaqutqarý" AQ tikushaqtary 4 ret tartyldy.
Esterińizge sala keteiik, aǵymdaǵy jyldyń 26 naýryzynda 09 saǵ 29 min "112" pýltine Borly ózeninen ótý kezinde eki adamnyń ózen ortasynda traktormen turyp qalǵany týraly habarlama kelip tústi.
Osy ýaqytta Aiagóz qalasynyń JQJ qutqarýshylary "Shyǵys" sharýa qojalyǵynda (Aiagóz qalasynan 80 shaqyrym jerde) izdestirý jumystaryn júrgizip jatqan bolatyn, onda 23 naýryzda ózennen ótip bara jatyp, atynan qulap, 1977 jyly týǵan er adam sýǵa ketken bolatyn. Atalǵan aimaqqa jetý qiyn jáne onda bailanys joq.
Osyǵan bailanysty Borly ózeninde avariialyq-qutqarý jumystaryn júrgizý úshin Semei qalasynan kúshter men quraldar jiberildi.
Aita ketý kerek, joǵalǵan adamdar kóktemgi sý tasqynynyń aldyn-alý jumystaryna qatysqan azamattar emes.
