تراكتوردا بورلى وزەنىنەن ءوتۋ كەزىندە سۋدا جوعالىپ كەتكەن ەكى ازاماتتى ىزدەستىرۋ-قۇتقارۋ جۇمىستارى جالعاسۋدا، – دەپ حابارلايدى Dalanews.kz اباي وبلىسى تجد باسپا ءسوز قىزمەتىنە سىلتەمە جاساپ.

ىزدەستىرۋ جۇمىستارىنا اباي وبلىسى جانە جەتىسۋ وبلىسى تجد جقج، پوليسيا دەپارتامەنتى، جاو، قورعانىس مينيسترلىگىنىڭ كۇشتەرى مەن قۇرالدارىنان، جەرگىلىكتى تۇرعىندار، بارلىعى 63 ادام، 4 ءجۇزۋ قۇرالى، 9 بىرلىك تەحنيكا، 2 پيلوتسىز ۇشۋ اپپاراتارى، سونداي-اق پوليسيا دەپارتامەنتىنىڭ ءبىر كينولوگيالىق ەسەبى جۇمىلدىرىلعان. ولار كۇن سايىن ساعات 06.00-دەن باستاپ تاۋلىكتىڭ قاراڭعى ۋاقىتى تۇسكەنگە دەيىن ىزدەستىرۋ جۇمىستارىن جالعاستىرۋدا.

جوعالعان ادامداردى سۇڭگۋىرلەردىڭ كومەگىمەن ىزدەستىرۋ جۇمىستارى سۋ ايدىندارىنىڭ كوكتەمگى لاستانۋىنا بايلانىستى سۋ استى كورىنۋىنىڭ ناشارلىعىمەن جانە وزەننىڭ اعىس جىلدامدىعىمەن كۇردەلەنەتىنىن ەسكەرتەمىز.

سونىمەن قاتار، ىزدەستىرۋ جۇمىستارىنا قورعانىس مينيسترلىگى مەن "قازاۆياقۇتقارۋ" اق تىكۇشاقتارى 4 رەت تارتىلدى.

ەستەرىڭىزگە سالا كەتەيىك، اعىمداعى جىلدىڭ 26 ناۋرىزىندا 09 ساع 29 مين "112" پۋلتىنە بورلى وزەنىنەن ءوتۋ كەزىندە ەكى ادامنىڭ وزەن ورتاسىندا تراكتورمەن تۇرىپ قالعانى تۋرالى حابارلاما كەلىپ ءتۇستى.

سونىمەن قاتار، كۋاگەرلەر بىرنەشە رەت اتقا ءمىنىپ، ولارعا كومەك ۇسىنعان، ءبىراق بەلگىسىز سەبەپتەرمەن جوعالىپ كەتكەندەر ادامدار ۇسىنىلعان كومەكتەن باس تارتقان جانە ولاردى تەحنيكامەن بىرگە ەۆاكۋاسيالاۋدى كۇتكەن.

وسى ۋاقىتتا اياگوز قالاسىنىڭ جقج قۇتقارۋشىلارى "شىعىس" شارۋا قوجالىعىندا (اياگوز قالاسىنان 80 شاقىرىم جەردە) ىزدەستىرۋ جۇمىستارىن جۇرگىزىپ جاتقان بولاتىن، وندا 23 ناۋرىزدا وزەننەن ءوتىپ بارا جاتىپ، اتىنان قۇلاپ، 1977 جىلى تۋعان ەر ادام سۋعا كەتكەن بولاتىن. اتالعان ايماققا جەتۋ قيىن جانە وندا بايلانىس جوق.

وسىعان بايلانىستى بورلى وزەنىندە اۆاريالىق-قۇتقارۋ جۇمىستارىن جۇرگىزۋ ءۇشىن سەمەي قالاسىنان كۇشتەر مەن قۇرالدار جىبەرىلدى.

ايتا كەتۋ كەرەك، جوعالعان ادامدار كوكتەمگى سۋ تاسقىنىنىڭ الدىن-الۋ جۇمىستارىنا قاتىسقان ازاماتتار ەمەس.