2024 jyly Abai oblysynda 11 jylý kózin jáne 37,9 shaqyrym jylý jelilerin salý, qaita jańǵyrtý jáneaǵymdaǵy jóndeý boiynsha 28 joba iske asyrylýda.
Onyń ishinde Semei qalasy boiynsha 19 joba, Borodýliha aýdanynyń Novaia-Shýlba kentinde eki blokty-modýldi qazandyq jáne 1,1 shaqyrym jylý jelilerin salý, Aiagóz aýdanynda 4,2 shaqyrym jylý jelilerin aǵymdaǵy jóndeý, Jarma aýdanynyń Shýaq kentindegi qazandyqty jóndeý, Kýrchatov qalasynda tórt jylý kózin jáne 2,2 shaqyrym jylý jelilerin aǵymdaǵy jóndeý, sondai-aq Abai aýdany Qaraýyl aýylyndaǵy qazandyq pen 500 metr jylý jelilerin jóndeý bar.
Osy jumystardyń nátijesinde jylý jelileriniń tozýy 64,2% - dan 56,4% - ǵa deiin tómendeidi dep kútilýde.
Semei qalasyn jylýmen jabdyqtaýdyń negizgi problemalarynyń biri-qalanyń oń jaǵalaýynda saǵatyna 147 Gkal quraityn jylý energiiasynyń tapshylyǵy. Bul máseleni sheshý úshin qýaty 360 MVt jáne saǵatyna 1200 Gkal bolatyn JEO-3 salý josparlanýda. Qazirgi ýaqytta jobanyń tehnikalyq-ekonomikalyq negizdemesin (TEN) ázirleý aiaqtalýda.
Anyqtama úshin: Abai oblysyn ortalyqtandyrylǵan jylýmen jabdyqtaýdy 11 kásiporyn qamtamasyz etedi, onyń quramynda 44 jylý kózi jáne biýdjettik uiymdardy jylýmen qamtamasyz etetin 273 derbes qazandyq bar.
