Abai oblysynda jaz mezgilinde 10 kolledj bazasynda kásiptik baǵdar berý lagerleri jumys isteidi. Jobamen 500-ge jýyq oqýshy qamtylady. Lagerlerde oqýshylar naqty mamandyqtar boiynsha tájiribe jinaqtap, paidaly daǵdylardy meńgeredi,- dep habarlaidy Dalanews.kz
Besqaraǵai kolledjinde alǵash ret «EKOorman» agrarlyq-ekologiialyq lageri ashyldy. Landshaftyq dizain, jylyjai isi, floristika jáne aýyl sharýashylyǵyn mehanikalandyrý baǵyttary qamtylǵan.
IT jáne jańa tehnologiialar joǵary kolledjindegi «SmartKriS» lagerinde robototehnika, baǵdarlamalaý, veb-dizain jáne internet zattary baǵytynda sabaqtar ótedi.
Politehnikalyq kolledjdegi «Summer Camp» shyǵarmashylyq lagerinde oqýshylar tigin, aspazdyq sheberlikke mashyqtanady, buiymdar jasap, kórmege qoiady.
Úrjar kolledjinde «Úrjar-Aiym» lageri uiymdastyrylyp, aýyl sharýashylyǵy, dánekerleý, veterinariia jáne aspazdyq baǵyttarynda oqytý júrgizilýde.
Semei qarjy-ekonomikalyq kolledjiniń SFEK Summer Camp baǵdarlamasynda veb-damý, grafikalyq dizain, mobilografiia jáne býhgalterlik esep negizderi úiretiledi.
Shákárim joǵary kolledjindegi «Tolaǵai» lagerinde ekologiia, ulttyq mádeniet jáne densaýlyq saqtaý taqyryptarynda sabaqtar ótýde.
Elektrotehnikalyq kolledj bazasyndaǵy IT lagerinde oqýshylar startap jobalarmen jumys istep, hakatondarǵa beiimdeledi.
Atalǵan lagerler oqýshylardyń bolashaq mamandyǵyn sanaly tańdaýǵa jáne kásibi baǵdar alýǵa múmkindik beredi.
