اباي وبلىسىندا جاز مەزگىلىندە 10 كوللەدج بازاسىندا كاسىپتىك باعدار بەرۋ لاگەرلەرى جۇمىس ىستەيدى. جوبامەن 500-گە جۋىق وقۋشى قامتىلادى. لاگەرلەردە وقۋشىلار ناقتى ماماندىقتار بويىنشا تاجىريبە جيناقتاپ، پايدالى داعدىلاردى مەڭگەرەدى،- دەپ حابارلايدى Dalanews.kz
بەسقاراعاي كوللەدجىندە العاش رەت «ەكوorman» اگرارلىق-ەكولوگيالىق لاگەرى اشىلدى. لاندشافتىق ديزاين، جىلىجاي ءىسى، فلوريستيكا جانە اۋىل شارۋاشىلىعىن مەحانيكالاندىرۋ باعىتتارى قامتىلعان.
IT جانە جاڭا تەحنولوگيالار جوعارى كوللەدجىندەگى «SmartKriS» لاگەرىندە روبوتوتەحنيكا، باعدارلامالاۋ، ۆەب-ديزاين جانە ينتەرنەت زاتتارى باعىتىندا ساباقتار وتەدى.
پوليتەحنيكالىق كوللەدجدەگى «Summer Camp» شىعارماشىلىق لاگەرىندە وقۋشىلار تىگىن، اسپازدىق شەبەرلىككە ماشىقتانادى، بۇيىمدار جاساپ، كورمەگە قويادى.
ءۇرجار كوللەدجىندە «ءۇرجار-ايىم» لاگەرى ۇيىمداستىرىلىپ، اۋىل شارۋاشىلىعى، دانەكەرلەۋ، ۆەتەريناريا جانە اسپازدىق باعىتتارىندا وقىتۋ جۇرگىزىلۋدە.
سەمەي قارجى-ەكونوميكالىق كوللەدجىنىڭ SFEK Summer Camp باعدارلاماسىندا ۆەب-دامۋ، گرافيكالىق ديزاين، موبيلوگرافيا جانە بۋحگالتەرلىك ەسەپ نەگىزدەرى ۇيرەتىلەدى.
شاكارىم جوعارى كوللەدجىندەگى «تولاعاي» لاگەرىندە ەكولوگيا، ۇلتتىق مادەنيەت جانە دەنساۋلىق ساقتاۋ تاقىرىپتارىندا ساباقتار وتۋدە.
ەلەكتروتەحنيكالىق كوللەدج بازاسىنداعى IT لاگەرىندە وقۋشىلار ستارتاپ جوبالارمەن جۇمىس ىستەپ، حاكاتوندارعا بەيىمدەلەدى.
اتالعان لاگەرلەر وقۋشىلاردىڭ بولاشاق ماماندىعىن سانالى تاڭداۋعا جانە كاسىبي باعدار الۋعا مۇمكىندىك بەرەدى.
