Abai oblysynyń ákimi Berik Ýálidiń tóraǵalyǵymen ótken keńeitilgen apparattyq keńeste balalardyń jazǵy demalysyn uiymdastyrý, sporttyq jáne shyǵarmashylyq úiirmelerge memlekettik tapsyrys ornalastyrý, memlekettik basqarýda jobalyq tásildi engizý máseleleri talqylandy,– dep habarlaidy Dalanews.kz
Óńirdegi saýyqtyrý lagerleriniń jaǵdaiy týraly oblystyq Bilim basqarmasy basshysynyń mindetin atqarýshy Baýyrjan Tólenov baiandady.
Biyl jazǵy maýsymda 94 myńnan astam oqýshy túrli is-sharalarmen qamtylmaq. Onyń ishinde 15 myńnan astam bala áleýmettik osal sanatqa jatady. Olar úshin tegin joldamalar qarastyrylǵan.
Jalpy oblysta balalardyń jazǵy demalysyn uiymdastyrý úshin 33 óńirlik jobany iske asyrý josparlanyp otyr. Aimaqtaǵy 11 saýyqtyrý lagerine 5172 balany demalysqa jiberý kózdelgen.
Qazirgi tańda óńirde qala syrtyndaǵy 11 balalar lageri jumys isteidi. Onyń 9-y tiptik, 2-eýi beiimdelgen ǵimaratta ornalasqan. Lagerlerdiń basym bóligi 1952-1999 jyldary salynǵandyqtan materialdyq-tehnikalyq bazasy jańartýdy talap etedi. Aiagóz, Aqsýat, Besqaraǵai, Kókpekti jáne Jańasemei aýdandarynda balalar lagerin salý qajettigi týyndap otyr.
Mádeniet, tilderdi damytý jáne arhiv isi basqarmasy basshysynyń mindetin atqarýshy Janjigit Omarhannyń málimetinshe, óńirde 4728 balany qamtyǵan 147 shyǵarmashylyq úiirme jumys isteidi. Budan bólek oblystyń qalalary men aýdandaryndaǵy mádeniet úileri, klýbtar men kitaphanalar janynda 139 túrli tegin úiirme uiymdastyrylǵan.
Apparattyq keńeste Dene shynyqtyrý jáne sport basqarmasynyń basshysy Erjan Ábilqasymov aimaqtaǵy balalar men jasóspirimderge arnalǵan tegin sporttyq sektsiialardyń jumysy týraly baiandady.
Otyrysta kúntártibindegi úshinshi másele memlekettik basqarýdaǵy jobalyq ofistiń úlesi týraly jobalyq ofis basshysy Kamariia Qajyǵalieva baiandady. Búginde oblys kóleminde 40-tan astam joba iske asyrylýda. Bul jobalar infraqurylym, aýyl sharýashylyǵy, densaýlyq saqtaý jáne ekologiia salalaryn qamtidy. Árbir joba SMART-qaǵidattaryna sáikes ázirlengen.
Jiyndy qorytyndylaǵan aimaq basshysy apparat inspektorlaryna barlyq lagerlerdiń jazǵy demalysqa daiyndyǵyna tekserý júrgizýdi, «Damý bala» baǵdarlamasy aiasyndaǵy úiirmelerdiń jái-kúiine monitoring jasaýdy júktedi. Oblys ákimi memlekettik shyǵarmashylyq tapsyrys aiasynda jumys isteitin úiirmelerdiń jetkiliksiz ekenin atap ótip, Mádeniet basqarmasyna bul baǵyttaǵy jumysty jandandyrý qajettigin aitty. Qarjy basqarmasyna balalardyń úiirmelerge qatysý úrdisin taldap, nátijesin baiandaýdy tapsyrdy.
«Oqýshylardyń jazǵy kanikýlǵa shyǵýyna da az ýaqyt qaldy. Olardyń demalystaryn tiimdi ári paidaly ótkizýine jaǵdai jasaýymyz kerek. Óńirdegi úiirmeler sanyn kóbeitýdiń mańyzy zor. Jaqynda «Qazaqstan halqyna» qoǵamdyq qory basshylyǵymen kezdesip, oblystyń 4 aýdanyndaǵy Oqýshylar saraiyn tolyq jańǵyrtý jóninde kelisimge keldik. Bul baǵyttaǵy jumysty jalǵastyramyz»,- dedi aimaq basshysy.
