Abai oblysyn gazdandyrý máselesi Májiliste qaraldy, dep habarlaidy Dalanews.kz.
Parlament Májilisiniń jalpy otyrysynda gazben jabdyqtaýǵa qatysty zań jobasy talqylanyp, birinshi oqylymda maquldandy.
Depýtat Nurtai Sabilianov Energetika ministrligine Abai oblysyndaǵy eldi mekenderdi gazdandyrý týraly suraq qoidy. Onyń aitýynsha, bul másele halyqpen kezdesýlerde jii kóteriledi.
"Abai oblysyn alyp qaraityn bolsaq, bir de bir eldimeken gazben qamtamasyz etilmegen. Alty aidan asa ýaqyt qys bolady, halyq úiin jylytý úshin kómir qoldanady, iaǵni qoradan shelekke salady, peshke jaǵady, qaita kúlin shyǵarady. Óte qiyn halyqqa. Jii kóteredi bul máseleni jáne de kómirdiń baǵasy bir tonnasy qazir 30-34 myń bolyp ketti. Ótken joly Baqty aýylyna barǵan kezde, halyqpen kezdesken kezde kómirdiń baǵasy 34 myń teńge bolǵanyn jetkizdi. Shekara mańyndaǵy aýyl. Árine, aýylda halyqqa qiyn bolǵandyqtan da kóshe bastaidy. Abai oblysynyń kórshi oblysy bar, Jetisý oblysy. Úsharalǵa deiin gaz tartylyp jatyr. Arjaǵynda Abai oblysy júz-aq shaqyrym jer. Nege Úsharaldan Abai oblysyna ári qarai tartpasqa?! Qazaqstan - birtutas memleket, óńirlerge, halyqqa birdei jaǵdai jasalýy kerek", - dedi ol.
Aita keteiik, byltyr respýblika boiynsha 95 eldi mekenge gaz tartylyp, 350 myń adam igiligin kórgen. Osylaisha tabiǵi gaz tartý jumystarynyń deńgeii 64 paiyzǵa jetti. Dese de Soltústik Qazaqstan, Pavlodar, Abai jáne Shyǵys Qazaqstan oblystarynda áli de másele ýshyǵyp tur.
