Abai oblysynda 24 myńnan astam múgedektigi bar adam bar, onyń ishinde 2,9 myńy – balalar. Biyl olardy tehnikalyq ońaltý quraldarymen jáne qyzmettermen qamtamasyz etýge 3,7 mlrd teńge qarastyryldy. Bul týraly Óńirlik kommýnikatsiialar qyzmeti alańynda ótken baspasóz máslihatynda Abai oblysynyń jumyspen qamtý jáne áleýmettik baǵdarlamalardy úilestirý basqarmasynyń basshysy Aiman Nurlybek baiandady,- dep habarlaidy Dalanews.kz
"Aǵymdaǵy jyldyń 1 qyrkúiegine deiin 12 157 adamnyń 10 213-i qajetti quraldarmen qamtylyp, bul jospardyń 84,1 paiyzyn qurady. Qazirgi tańda oblysta 5 meditsinalyq-áleýmettik mekeme jáne 150 oryndyq ońaltý ortalyǵy jumys isteidi. Budan bólek 15 aýmaqtyq áleýmettik qyzmet kórsetý ortalyǵy arqyly 4 myńnan astam adamǵa qyzmet kórsetiledi. Arnaiy áleýmettik qyzmet kórsetý mekemelerinde kúrdeli jáne aǵymdaǵy jóndeý jumystary júrgizilýde", – dedi basqarma basshysy.
Máselen, Úrjardaǵy balalarǵa arnalǵan ortalyqqa 89,8 mln teńgege kúrdeli jóndeý jasalyp jatyr. Aiagózdegi mekemede órt dabyly júiesi men qazandyqtar jańartylyp, terezeler aýystyrylýda. Al Borodýliha ortalyǵynda qazandyqty jańartý jáne liftini jóndeý jumystary bastaldy. Sonymen qatar, Semeide psihonevrologiialyq aýrýlarǵa arnalǵan 100 oryndyq jańa korpýs salynýda.
"Kedergisiz keleshek" jobasy aiasynda erekshe qajettilikteri bar adamdarǵa qolaily orta qalyptastyrý jumystary júrip jatyr. Biyl oblysta 206 nysan beiimdelýi tiis bolsa, qyrkúiek aiyna qarai onyń 139-y tolyq beiimdeldi. Sondai-aq, «Invataksi» qyzmetinde 19 kólik jumys isteidi, biyl taǵy 4 jańa avtomobil alyndy", – dedi Aiman Nurlybek.
