اباي وبلىسىندا 24 مىڭنان استام مٷگەدەكتٸگٸ بار ادام بار, ونىڭ ٸشٸندە 2,9 مىڭى – بالالار. بيىل ولاردى تەحنيكالىق وڭالتۋ قۇرالدارىمەن جەنە قىزمەتتەرمەن قامتاماسىز ەتۋگە 3,7 ملرد تەڭگە قاراستىرىلدى. بۇل تۋرالى ٶڭٸرلٸك كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا اباي وبلىسىنىڭ جۇمىسپەن قامتۋ جەنە ەلەۋمەتتٸك باعدارلامالاردى ٷيلەستٸرۋ باسقارماسىنىڭ باسشىسى ايمان نۇرلىبەك باياندادى,- دەپ حابارلايدى Dalanews.kz
"اعىمداعى جىلدىڭ 1 قىركٷيەگٸنە دەيٸن 12 157 ادامنىڭ 10 213-ٸ قاجەتتٸ قۇرالدارمەن قامتىلىپ, بۇل جوسپاردىڭ 84,1 پايىزىن قۇرادى. قازٸرگٸ تاڭدا وبلىستا 5 مەديتسينالىق-ەلەۋمەتتٸك مەكەمە جەنە 150 ورىندىق وڭالتۋ ورتالىعى جۇمىس ٸستەيدٸ. بۇدان بٶلەك 15 اۋماقتىق ەلەۋمەتتٸك قىزمەت كٶرسەتۋ ورتالىعى ارقىلى 4 مىڭنان استام ادامعا قىزمەت كٶرسەتٸلەدٸ. ارنايى ەلەۋمەتتٸك قىزمەت كٶرسەتۋ مەكەمەلەرٸندە كٷردەلٸ جەنە اعىمداعى جٶندەۋ جۇمىستارى جٷرگٸزٸلۋدە", – دەدٸ باسقارما باسشىسى.
مەسەلەن, ٷرجارداعى بالالارعا ارنالعان ورتالىققا 89,8 ملن تەڭگەگە كٷردەلٸ جٶندەۋ جاسالىپ جاتىر. اياگٶزدەگٸ مەكەمەدە ٶرت دابىلى جٷيەسٸ مەن قازاندىقتار جاڭارتىلىپ, تەرەزەلەر اۋىستىرىلۋدا. ال بورودۋليحا ورتالىعىندا قازاندىقتى جاڭارتۋ جەنە ليفتٸنٸ جٶندەۋ جۇمىستارى باستالدى. سونىمەن قاتار, سەمەيدە پسيحونەۆرولوگييالىق اۋرۋلارعا ارنالعان 100 ورىندىق جاڭا كورپۋس سالىنۋدا.
"كەدەرگٸسٸز كەلەشەك" جوباسى اياسىندا ەرەكشە قاجەتتٸلٸكتەرٸ بار ادامدارعا قولايلى ورتا قالىپتاستىرۋ جۇمىستارى جٷرٸپ جاتىر. بيىل وبلىستا 206 نىسان بەيٸمدەلۋٸ تيٸس بولسا, قىركٷيەك ايىنا قاراي ونىڭ 139-ى تولىق بەيٸمدەلدٸ. سونداي-اق, «ينۆاتاكسي» قىزمەتٸندە 19 كٶلٸك جۇمىس ٸستەيدٸ, بيىل تاعى 4 جاڭا اۆتوموبيل الىندى", – دەدٸ ايمان نۇرلىبەك.
