Abaı oblysy ákimi apparatynyń basshysy Jasulan Sársebaev quttyqtaý sózinde Táýelsizdik kezeńinde elimizdiń saılaý organdary mańyzdy kezeńnen ótip, memlekettik bıliktiń negizgi ınstıtýttarynyń damýyna zor úles qosqanyn erekshe atap ótti.
– Saılaý komısıalary óz jumysynda saılaý quqyǵy salasynda belgilengen halyqaralyq standarttardy ustanyp, jergilikti atqarýshy organdarmen yntymaqtastyqty saqtap, qoǵammen ashyq dıalog quryp otyr. Abaı oblysyndaǵy aýmaqtyq saılaý komısıasy óńirimizdegi saılaý úderisterin retteý salasyndaǵy alǵashqy organdardyń biri boldy, – dedi ol.
Abaı oblysy qurylǵan sátten bastap QR Prezıdentiniń, QR Parlamenti Senatynyń depýtattarynyń, Parlament Májilisiniń jáne barlyq deńgeıdegi máslıhattardyń depýtattarynyń, Abaı aýdany men Kýrchatov qalasy ákimderiniń, ıaǵnı 60-tan astam aýyl ákimderiniń saılaýy da oıdaǵydaı ótti.
Shara barysynda oblys aýdandarynyń aýmaqtyq saılaý komısıalarynyń múshelerine Qazaqstan Respýblıkasy Ortalyq saılaý komısıasynyń jáne Abaı oblysy ákiminiń Alǵys hattary tabys etildi.
