اباي وبلىسى اكىمى اپپاراتىنىڭ باسشىسى جاسۇلان سارسەبايەۆ قۇتتىقتاۋ سوزىندە تاۋەلسىزدىك كەزەڭىندە ەلىمىزدىڭ سايلاۋ ورگاندارى ماڭىزدى كەزەڭنەن ءوتىپ، مەملەكەتتىك بيلىكتىڭ نەگىزگى ينستيتۋتتارىنىڭ دامۋىنا زور ۇلەس قوسقانىن ەرەكشە اتاپ ءوتتى.
– سايلاۋ كوميسسيالارى ءوز جۇمىسىندا سايلاۋ قۇقىعى سالاسىندا بەلگىلەنگەن حالىقارالىق ستاندارتتاردى ۇستانىپ، جەرگىلىكتى اتقارۋشى ورگاندارمەن ىنتىماقتاستىقتى ساقتاپ، قوعاممەن اشىق ديالوگ قۇرىپ وتىر. اباي وبلىسىنداعى اۋماقتىق سايلاۋ كوميسسياسى وڭىرىمىزدەگى سايلاۋ ۇدەرىستەرىن رەتتەۋ سالاسىنداعى العاشقى ورگانداردىڭ ءبىرى بولدى، – دەدى ول.
اباي وبلىسى قۇرىلعان ساتتەن باستاپ ق ر پرەزيدەنتىنىڭ، ق ر پارلامەنتى سەناتىنىڭ دەپۋتاتتارىنىڭ، پارلامەنت ءماجىلىسىنىڭ جانە بارلىق دەڭگەيدەگى ءماسليحاتتاردىڭ دەپۋتاتتارىنىڭ، اباي اۋدانى مەن كۋرچاتوۆ قالاسى اكىمدەرىنىڭ، ياعني 60-تان استام اۋىل اكىمدەرىنىڭ سايلاۋى دا ويداعىداي ءوتتى.
شارا بارىسىندا وبلىس اۋداندارىنىڭ اۋماقتىق سايلاۋ كوميسسيالارىنىڭ مۇشەلەرىنە قازاقستان رەسپۋبليكاسى ورتالىق سايلاۋ كوميسسياسىنىڭ جانە اباي وبلىسى اكىمىنىڭ العىس حاتتارى تابىس ەتىلدى.
