Abai oblysynda 6 sý qoimasy salynady. Bul týraly Ortalyq kommýnikatsiialar qyzmetiniń brifinginde oblys ákimi Berik Ýáli atap ótti, dep habarlaidy Dalanews.kz.
Sý salasyn damytýdyń 2024–2028 jyldarǵa arnalǵan respýblikalyq keshendi jospary aiasynda óńirde 6 sý qoimasyn salý, 10 gidrotehnikalyq qurylysty jáne 17 irrigatsiialyq júieni qaita jańartý josparlanǵan.
Atalǵan jobalar júzege asqanda 31 myń gektar jańa sýarmaly jer ainalymǵa engizilip, 180 million tekshe metr sý jinalady. Sonymen qatar, 181 shaqyrym magistraldyq arna jóndelip, egistiktegi ónimdilik gektaryna 16 tsentnerden 27 tsentnerge deiin artpaq.
Budan bólek Ertis ózeniniń gidropotentsialyn paidalaný arqyly oblystyń sýarmaly jer kólemi qosymsha 70 myń gektarǵa ulǵaiyp, barlyǵy jiyny 214 myń gektardy quraidy. Nátijesinde sý únemdeitin tehnogoliialardy qoldaný alańy 13,9 myń gektardan 88,2 myń gektarǵa deiin ulǵaiady.
