اباي وبلىسىندا 6 سۋ قويماسى سالىنادى. بۇل تۋرالى ورتالىق كوممۋنيكاتسييالار قىزمەتٸنٸڭ بريفينگٸندە وبلىس ەكٸمٸ بەرٸك ۋەلي اتاپ ٶتتٸ, دەپ حابارلايدى Dalanews.kz.
سۋ سالاسىن دامىتۋدىڭ 2024–2028 جىلدارعا ارنالعان رەسپۋبليكالىق كەشەندٸ جوسپارى اياسىندا ٶڭٸردە 6 سۋ قويماسىن سالۋ, 10 گيدروتەحنيكالىق قۇرىلىستى جەنە 17 يرريگاتسييالىق جٷيەنٸ قايتا جاڭارتۋ جوسپارلانعان.
اتالعان جوبالار جٷزەگە اسقاندا 31 مىڭ گەكتار جاڭا سۋارمالى جەر اينالىمعا ەنگٸزٸلٸپ, 180 ميلليون تەكشە مەتر سۋ جينالادى. سونىمەن قاتار, 181 شاقىرىم ماگيسترالدىق ارنا جٶندەلٸپ, ەگٸستٸكتەگٸ ٶنٸمدٸلٸك گەكتارىنا 16 تسەنتنەردەن 27 تسەنتنەرگە دەيٸن ارتپاق.
بۇدان بٶلەك ەرتٸس ٶزەنٸنٸڭ گيدروپوتەنتسيالىن پايدالانۋ ارقىلى وبلىستىڭ سۋارمالى جەر كٶلەمٸ قوسىمشا 70 مىڭ گەكتارعا ۇلعايىپ, بارلىعى جيىنى 214 مىڭ گەكتاردى قۇرايدى. نەتيجەسٸندە سۋ ٷنەمدەيتٸن تەحنوگولييالاردى قولدانۋ الاڭى 13,9 مىڭ گەكتاردان 88,2 مىڭ گەكتارعا دەيٸن ۇلعايادى.
