Búgin oblys ákimi Berik Ýáli «Xinjiang Huayuan Holding Group Co. Ltd» korporatsiiasynyń bas direktory Li Tsziýn bastaǵan delegatsiiamen kezdesti,- dep habarlaidy Dalanews.kz
Kezdesý barysynda eki jaqty investitsiialyq yntymaqtastyqty nyǵaitý, birlesken jobalardy iske asyrý jáne jańa óndiris alańdaryn damytý máseleleri talqylandy.
Aimaq basshysy Abai oblysy delegatsiiasynyń Shyńjań Uiǵyr avtonomiialyq aýdanyna jumys sapary barysynda nátijeli kelissózder júrgizip, kóptegen memorandýmdarǵa qol qoiǵanyn atap ótti.
«Osy sapar aiasynda Abai oblysynyń delegatsiiasy Úrimshi qalasyndaǵy Sizdiń kásipornyńyzǵa baryp, óndiristik úderistermen jáne júzege asyrylyp jatqan jobalarmen tanysty. Qazirgi ýaqytta oblystyń ekonomikalyq áleýetin arttyrý úshin investorlarmen júieli jumys júrgizilip jatyr. Semei qalasyndaǵy «Óndiris» indýstriialyq aimaǵynyń aýmaǵyn 600 gektarǵa deiin keńeitýdi kózdep otyrmyz», - dedi oblys ákimi.
«Xinjiang Huayuan Holding Group Co.Ltd» korporatsiiasy – turǵyn úi qurylysymen, Shyǵys meditsinasynda qoldanylatyn dári-dármek óndirýmen jáne jylýmen qamtamasyz etý nysandaryn salýmen ainalysatyn Qytaidaǵy jetekshi kompaniialardyń biri.
Korporatsiianyń bas direktory Li Tsziýn osy salalar boiynsha Abai oblysymen birlese jumys isteýge daiyn ekenin jetkizdi.
«Bizdiń delegatsiia Semei qalasynda boi kóteretin jańa yqsham aýdannyń jobasymen tanysty. Qytaiǵa barǵan soń arnaiy jumys tobyn quryp, naqty jobalardy usynamyz. Infraqurylym máselesi sheshilse, jumysqa kirisýge daiynbyz», - dedi ol.
Oblys ákimi jańa yqsham aýdannyń infraqurylym máselesi jaqyn arada sheshiletinin, qurylys jumystaryn bastaýǵa eshqandai kedergi bolmaitynyn aitty.
«Semei qalasynda salynatyn jańa ákimshilik-iskerlik ortalyqty keshe arnaiy baryp, kórdińizder. Aýmaǵy 1000 gektardy qamtityn, jańa ákimshilik-iskerlik aýmaqtyń uzaq merzimdi tujyrymdamasy ázirlenip, tehnikalyq ekonomikalyq negizdemesi jasalýda. Semei qalasyna kóp fýnktsiialy, zamanaýi qonaqúi qajet. Jańa yqsham aýdanǵa jańa jylý qazandyǵy, kóp qabatty turǵyn úiler kerek. Sizderdi «Smart City» jobasyna seriktes retinde qatysýǵa, jańa qalany birge salýǵa shaqyramyz. Siz basqaratyn korporatsiianyń zamanaýi turǵyn úi qurylysy, jylýmen jabdyqtaý salasynda tájiribesi mol. Sondyqtan naqty usynystar kútemiz», - dedi aimaq basshysy.
