Abai oblysynyń ákimi Berik Ýáli bastaǵan óńir delegatsiiasy Qytaidyń Shyńjań uiǵyr avtonomiialyq ólkesiniń Altai qalasyna resmi saparmen bardy, dep habarlaidy Dalanews.kz
Quramynda 100-ge jýyq adam bar delegatsiiaǵa memlekettik qyzmetkerler, máslihat depýtattary, biznes, bilim jáne mádeniet salasynyń ókilderi engen.
Sapar aiasynda Berik Ýáli Shyńjań uiǵyr avtonomiialyq ólkesiniń partiia komitetiniń hatshysy Ma Sinjýimen kezdesti. Taraptar ózara yntymaqtastyqty damytý, saýda-ekonomikalyq jáne mádeni bailanystardy nyǵaitý máselelerin talqylady.
Aimaq basshysy Altai qalasynda 20-ǵa jýyq qytai investorlarymen kezdesti
Kezdesýge óndiris, aýyl sharýashylyǵy, jasandy intellekt, temir jáne áýe joldary, kópir qurylysy, logistika, týrizm, energetika salarynda jumys isteitin kompaniia ókilderi qatysty.
Óńir basshysy qytailyq kásipkerlerge óńirdiń áleýetin tanystyryp, birlese jumys isteýge shaqyrdy.
Bir aita keterligi, barǵan aimaqtardyń ishinde eń kóp delegat Abai oblysynan barǵandyqtan, partiia komitet tóraǵasy Berik Ýálige birinshi bolyp sóz kezegin berdi.
Keshki asta ShUAÓ partiia komiteti tóraǵasy Ma Sinjýi myrzanyń Abai óńirine úlken qurmet kórsetti.
Abai oblysyna Ma Sinjýi resmi saparmen keledi
Abai oblysynyń ákimi Berik Ýáli Qytai Halyq Respýblikasynyń Shyńjań uiǵyr avtonomiialyq ólkesiniń partiia komitetiniń hatshysy Ma Sinjýidi aldaǵy ýaqytta óńirge resmi saparmen kelýge shaqyrdy.
Óz kezeginde Ma Sinjýi aimaq basshysynyń usynysyn qoldaitynyn bildirip, Qazaqstanǵa jumys sapary aiasynda Abai oblysyna kelýge daiyn ekenin jetkizdi.
Abai oblysy qytai investorlarymen 1,568 milliard AQSh dollaryn quraityn memorandýmǵa qol qoidy
Qytaidyń Altai qalasynda ótken «Úlken Altai» halyqaralyq konferentsiiasy aiasynda Abai oblysy men QHR kompaniialary arasynda mańyzdy kelisimderge qol jetkizildi.
Jalpy quny 1,568 mlrd AQSh dollaryn quraityn 15 memorandýmǵa qol qoiyldy.
Qujattar logistika, aýyl sharýashylyǵy, energetika, bilim berý, týrizm, qurylys jáne tehnologiia salalaryna qatysty.
«Biz Qazaqstan men Qytai arasyndaǵy dostyq qarym-qatynas aiasynda jumys isteý múmkindigin joǵary baǵalaimyz. Qazaqstan Respýblikasynyń Prezidenti Qasym-Jomart Kemeluly Toqaev atap ótkendei, Qytai Qazaqstan úshin senimdi dos ári ekonomikalyq salada senimdi seriktes bolyp qala beredi. Osynda kelgeli konferentsiia aiasynda kóptegen nátijeli kezdesýler ótkizdik. Oblystyń damý josparyna sáikes biznes ókilderimen óńirimizdiń damýyna serpin beretin jobalardy birlesip atqarýǵa kelistik. Bul eki tarap úshin de tiimdi», - dedi Berik Ýáli.
2024 jyldyń basynan beri Abai oblysy men Qytai arasyndaǵy taýar ainalymy 287 mln dollardy, al shekara mańyndaǵy saýda kólemi 2,3 mlrd dollardy qurap, 2023 jylmen salystyrǵanda 503%-ǵa artty.
«Aiagóz–Tachen» temir joly, halyqaralyq logistikalyq park, Alakóldi týrizm ortalyǵyna ainaldyrý syndy bastamalar jańa múmkindikterge jol ashady.
