Abaı oblysynyń ákimi Nurlan Uranhaevtyń tóraǵalyǵymen «Aýyl – el besigi» jobasyn júzege asyrý barysy týraly jıyn ótti. Baǵdarlama aıasynda oblysta 77 joba júzege assa, búginde sonyń 45-i aıaqtalǵan, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

Jıynda qurylys jumystarynyń barysy talqylandy. Jobany iske asyrý qarqynyna erekshe nazar aýdaryldy.

Aıta ketsek, jobalardy júzege asyrýǵa barlyǵy 9,5 mlrd teńge, onyń ishinde Ulttyq qordan – 4,2 mlrd teńge, oblystyq búdjetten – 5,3 mlrd teńge bólindi. Jyl basynan beri júzege asyp jatqan jobalardyń aıasynda 210 jumys orny quryldy.

Joba nátıjesinde 24 áleýmettik nysandy, onyń ishinde 7 bilim berý, 6 densaýlyq saqtaý, 10 sport jáne mádenıet nysanyn, sondaı-aq 1 áleýmettik qorǵaý mekemesin paıdalanýǵa múmkindik beredi.

Sondaı-aq, kólik ınfraqurylymy salasynda 33 joba júzege asyrylady.