2024 jyldyń 31 mamyrynda Semei qalasyndaǵy Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵynda «Abai murasy jáne zamanaýi mýzei: tanym, bilim-ǵylym jáne tárbie toǵysy» taqyrybynda dóńgelek ústel ótti, dep habarlaidy Dalanews.kz.
Dóńgelek ústelge QR Mádeniet jáne aqparat ministrliginiń ókilderi, Abai ýniversitetiniń jáne Semei qalasyndaǵy Shákárim ýniversitetiniń basshylary men belgili ǵalymdary, sondai-aq belgili qoǵam jáne memleket qairatkerleri, Abai óńiriniń ziialy qaýymy, ákimdik pen buqaralyq aqparat quraldarynyń ókilderi qatysty.
Bul is-shara Qazaqstandaǵy tuńǵysh joǵary oqý orny – Abai atyndaǵy Qazaq ulttyq pedagogikalyq ýniversitetiniń tikelei bastamasymen ótti. Dóńgelek ústeldiń negizgi maqsaty jastar arasynda Abai murasyn nasihattaýdyń innovatsiialyq nysandaryn aiqyndaý, jahandaný jaǵdaiynda murajaidyń múmkindikterin óskeleń urpaqtyń oqý-tárbie, ǵylymi-tárbie úrdisinde tiimdi paidalaný joldaryn izdestirý, ólketaný baǵyttaǵy mádeni týrizmdi damytý, Abai mýzeii men Abai ýniversitetiniń arasyndaǵy yntymaqtastyqty keńeitý máselelerin talqylaý bolyp tabylady.
Dóńgelek ústel barysynda Abai ýniversiteti men Abai murajaiy arasyndaǵy yntymaqtastyqty keńeitý jáne jetildirý boiynsha ekijaqty usynystar talqylandy. Ólketaný baǵytyndaǵy mádeni týrizmdi damytýǵa, murajaiǵa kelýshiler sanyn arttyrý úshin jańa ádistemelik tetikterdi qalyptastyrýǵa jáne yntymaqtastyq kókjiegin keńeitýge erekshe nazar aýdaryldy. Talqylaý barysynda dóńgelek ústelge qatysýshylar ulttyq rýhaniiattyń altyn dińgegi sanalatyn qazaqtyń uly aqyny, oishyly Abai Qunanbaiulynyń shyǵarmashylyǵyn jastar arasynda keńinen nasihattaýdyń mańyzdylyǵyna toqtaldy.
Qazaqstan Respýblikasynyń Prezidenti Q.K.Toqaev «Abai jáne HHI ǵasyrdaǵy Qazaqstan» jáne «Abai – rýhani reformator» baǵdarlamalyq maqalalarynda uly aqyn Abaidyń shyǵarmashylyǵyn jurtshylyqqa nasihattaý, Abai ilimi arqyly jastarǵa tárbie berý, onyń «Tolyq adam» týraly ilimin nasihattaý jumystaryna basty nazar aýdarǵany belgili.
El Prezidentiniń bastamasyn júzege asyrý aiasynda Abai ýniversiteti Abaidyń «Jidebai-Bórili» memlekettik tarihi-mádeni jáne ádebi-memorialdyq mýzei-qoryǵynda arnaiy ǵylymi-ádistemelik kabinet ashýdy josparlap otyr. Bul kabinet tarihi-mádeni jáne ǵylymi yntymaqtastyqty damytýda, sondai-aq uly Abai esimin alyp júrgen eki mekeme arasyndaǵy yntymaqtastyq bailanystaryn nyǵaitýda mańyzdy qadam bolmaq.
Ǵalymdardyń, pedagogtardyń, mádeniet jáne óner ókilderiniń basyn qosqan mańyzdy is-shara Abai Qunanbaiulynyń uly murasyn saqtaý jáne nasihattaýdyń ózekti máselelerin jan-jaqty talqylaýǵa jáne odan ári damý joldaryn aiqyndaýǵa múmkindik berdi.
