Qazirgi ýaqytta aýdan ortalyǵy Qaraýyl aýylyndaǵy 300 oryndyq jańa mektepte ishki árleý jáne abattandyrý jumystary aiaqtalǵan.
Syrtqy sý qubyry, jylý jáne káriz júieleri men ishki elektr jelileri tartyldy.
– Jańa saiabaqta magistraldy sý qubyrlary tóseldi. 730 terek, 134 shyrsha otyrǵyzyldy. 3,5 myń tonna jartasty, 23,6 myń tonna qunarly topyraq, 45,8 myń tonna qum men qiyrshyq tas aralasqan qospa ákelindi. Balalar alańyn abattandyrý jáne 4 sýburqaqty ornatý jumystary tolyq aiaqtaldy. Saiabaqtyń ainalasyna aýdannyń kópbalaly jáne az qamtylǵan otbasylaryna arnalǵan 12 úidiń qurylysy bastaldy, – dedi ShQO ákimi Danial Ahmetov Abai mereitoiyna arnalǵan jobalardyń júzege asyrylý barysy talqylanǵan onlain konferentsiiada.
Budan bólek, aýdan ortalyǵynyń sý qubyry jelilerin qaita qurýǵa baǵyttalǵan aýqymdy jumystar jalǵasýda. Aýyl ishindegi 44 shaqyrym magistraldyq jeliniń 35 shaqyrymyna qubyrlar tóseldi. Apta sońyna deiin «Abai – Shákárim» memorialdyq kesheni aýmaǵynda ǵylymi-qalpyna keltirý jumystary óz máresine jetedi. Búginde jumystardyń basym bóligi aiaqtalǵan.
