قازٸرگٸ ۋاقىتتا اۋدان ورتالىعى قاراۋىل اۋىلىنداعى 300 ورىندىق جاڭا مەكتەپتە ٸشكٸ ەرلەۋ جەنە اباتتاندىرۋ جۇمىستارى اياقتالعان.
سىرتقى سۋ قۇبىرى, جىلۋ جەنە كەرٸز جٷيەلەرٸ مەن ٸشكٸ ەلەكتر جەلٸلەرٸ تارتىلدى.
– جاڭا ساياباقتا ماگيسترالدى سۋ قۇبىرلارى تٶسەلدٸ. 730 تەرەك, 134 شىرشا وتىرعىزىلدى. 3,5 مىڭ توننا جارتاستى, 23,6 مىڭ توننا قۇنارلى توپىراق, 45,8 مىڭ توننا قۇم مەن قيىرشىق تاس ارالاسقان قوسپا ەكەلٸندٸ. بالالار الاڭىن اباتتاندىرۋ جەنە 4 سۋبۇرقاقتى ورناتۋ جۇمىستارى تولىق اياقتالدى. ساياباقتىڭ اينالاسىنا اۋداننىڭ كٶپبالالى جەنە از قامتىلعان وتباسىلارىنا ارنالعان 12 ٷيدٸڭ قۇرىلىسى باستالدى, – دەدٸ شقو ەكٸمٸ دانيال احمەتوۆ اباي مەرەيتويىنا ارنالعان جوبالاردىڭ جٷزەگە اسىرىلۋ بارىسى تالقىلانعان ونلاين كونفەرەنتسييادا.
بۇدان بٶلەك, اۋدان ورتالىعىنىڭ سۋ قۇبىرى جەلٸلەرٸن قايتا قۇرۋعا باعىتتالعان اۋقىمدى جۇمىستار جالعاسۋدا. اۋىل ٸشٸندەگٸ 44 شاقىرىم ماگيسترالدىق جەلٸنٸڭ 35 شاقىرىمىنا قۇبىرلار تٶسەلدٸ. اپتا سوڭىنا دەيٸن «اباي – شەكەرٸم» مەموريالدىق كەشەنٸ اۋماعىندا عىلىمي-قالپىنا كەلتٸرۋ جۇمىستارى ٶز مەرەسٸنە جەتەدٸ. بٷگٸندە جۇمىستاردىڭ باسىم بٶلٸگٸ اياقتالعان.
