Óskemendikter Abaıdyń uly toıyn alǵashqylardyń biri bolyp bastady. Qala turǵyndary, stýdentter, volonterler, qoǵamdyq uıymdardyń ókilderi Respýblıka alańyndaǵy Abaı eskertkishine gúl shoqtaryn qoıyp, aqynnyń «Kózimniń qarasy» ánin áýelete shyrqady.
– Uly aqynnyń 175 jyldyǵynda toı toılap emes, oı oılap, órisimizdi keńeıtip, rýhanı sanamyzdy jańǵyrtýymyz kerek. Óskemen qalasynda mereıtoıǵa oraı jumys jospary qurylyp, komısıa quramy bekitilgen bolatyn.
Jyl kóleminde uıymdastyrylatyn is-sharalardyń tizimin jasadyq. Qala boıynsha jalpy sany irili-usaqty 100-ge jýyq shara ótkiziledi, – dedi Óskemen qalalyq mádenıet, ishki saıasat jáne tilderdi damytý bóliminiń basshysy Qalqaman Sarın.
Talǵatjan Muhametbekuly
