Almaty ákimi Darhan Satybaldy kúzgi aǵash otyrǵyzý, kóshelerdi sanitarlyq tazalaý jáne qalalyq ortany abattandyrýdyń jańa standarttaryn engizý boiynsha keńes ótkizdi,- dep habarlaidy Dalanews.kz
Josparǵa sáikes, kúzgi kezeńde megapoliste 53 myńnan astam aǵash otyrǵyzý kózdelip otyr, onyń ishinde biiktigi 4-5 metr bolatyn 9,3 myń iri aǵash bar. Sonymen qatar, kesilgen aǵashtyń ornyna 22 myńnan astam tal egý jáne 356 myń butaqtan turatyn býferlik jasyl aimaqtar qurý josparlanǵan. Alataý, Naýryzbai jáne Jetisý aýdandaryna erekshe nazar aýdarylady. Jumystar avtomatty sýarý júiesin ornatý jónindegi buryn ázirlengen josparǵa (52 ýchaske, 290 km) jáne ázirlenip jatqan dendrologiialyq josparǵa sáikes júrgiziledi. Qalalyq tálimbaq qurýǵa daiyndyq jumystary jalǵasyp jatyr, jobalyq jumystardy 2026 jyldyń sońyna deiin aiaqtaý josparlanǵan.
Kósheler men qoǵamdyq keńistikterdi keshendi abattandyrý baǵdarlamasy usynyldy. Baǵdarlamanyń negizgi elementi retinde skverler, býlvarlar, jaiaý júrginshiler kósheleri men shaǵyn jasyl aimaqtardy kútip-ustaýmen ortalyqtandyrylǵan túrde ainalysatyn «Jasyl Almaty» KMM-in qurý kózdelip otyr. Baǵdarlama aiasynda abattandyrý men kógaldandyrý boiynsha biryńǵai standarttar engiziledi.
Landshaftyq dizaindy damytýǵa, kópjyldyq ósimdikter úlesin arttyrýǵa, avtomatty sýarý jáne jaryqtandyrý júielerin engizýge, sondai-aq, jaily ári qaýipsiz qalalyq orta qurýǵa erekshe nazar aýdarylady.
Sonymen birge, sanitarlyq tazalaýdyń biryńǵai reglamenti ázirlenýde. Qujatta jumystardyń sapasyna qoiylatyn naqty talaptar, qolmen jáne tehnikamen tazalaý kóleminiń esebi, qyzmetker sanyna qatysty normativter men olarǵa yńǵaily etip beiimdelgen jańartylǵan keste qamtylady.
Qala ákimi Darhan Satybaldy bólingen qarajattyń maqsatty paidalanylýyna baqylaýdy kúsheitýdi tapsyrdy. Onyń aitýynsha, eger abattandyrýǵa aqsha bólinse, onda ol boiynsha naqty nátije bolýǵa tiis.
«Merdigerler men vedomstvolyq mekemeler jumysty naqty atqarýy kerek. Kóp jerde sýarý júiesi istemeidi, jer telimi qyzmet kórsetiletin aimaq retinde tirkelgenimen, is júzinde kútim jasalmaidy. Muny túzeý qajet. Aýdan ákimdikteri arqyly bólinetin qarjy qatań baqylaýda bolýy tiis», – dedi ákim.
