Abai oblysynda TikTok-ta tikelei efirde balaǵat sóz aitqan jeli qoldanýshysy qamaýǵa alyndy, dep habarlaidy dalanews.kz.
Áleýmettik jelilerge júrgizilgen monitoring barysynda Abai oblysynyń politsiia qyzmetkerleri TikTok platformasyndaǵy quqyqqa qaishy tikelei efirdi anyqtady. Efir barysynda boijetken balaǵat sózder aityp, ádepsizdik kórsetti jáne esirtki qoldanatynyn málimdegen.
Politsiia qyzmetkerleri onyń jeke basyn jedel anyqtady. Quqyq buzýshy Túrkistan oblysynyń týmasy, Semei qalasynda ýaqytsha turǵan 26 jastaǵy Aziza Qoqanova bolyp shyqty.
Meditsinalyq kýálandyrý qorytyndysyna sáikes, ol alkogoldik masań kúide bolǵan.
Sot sheshimimen usaq buzaqylyq jasaǵany úshin oǵan 10 táýlikke ákimshilik qamaýǵa alý jazasy taǵaiyndaldy.
Internettegi árbir osyndai tikelei efir, zań men qoǵamdyq tártipti buzýdyń árbir faktisi tiisti túrde quqyqtyq turǵydan baǵalanyp, tiisti sharalar qabyldanady.
