Búgin Semei qalasynda «EcoForest» tolyq tsikldi ekologiialyq aǵash óńdeý ónerkásiptik parkiniń irgetasyn qalaý rásimi ótti, dep habarlaidy dalanews.kz.
Saltanatty sharaǵa oblys ákimi Berik Ýáli, Xinjiang Chunzheng Aosi Trading Co., Ltd. kompaniiasynyń bas direktory Chjan Likai qatysty.
Aimaq basshysy quttyqtaý sózinde bul jobanyń óńirdiń ónerkásiptik, investitsiialyq áleýetin arttyrýǵa, jańa jumys oryndaryn ashýǵa zor úles qosatynyn atap ótti.
«Memleket basshysy Qasym-Jomart Kemeluly Toqaev investitsiia tartýdy elimizdiń ekonomikalyq saiasatynyń basym baǵyttarynyń biri retinde únemi aityp, tiisti tapsyrma berip keledi. Abai oblysynda investorlar úshin qolaily jaǵdai jasaýǵa, óndiristik infraqurylymdy damytýǵa jáne jańa óndiristerdi iske qosýǵa erekshe kóńil bólip otyrmyz. Búgingi joba – halyqaralyq seriktestiktiń naqty nátijesi. Byltyr Qytai Halyq Respýblikasynda ótken «Úlken Altai» halyqaralyq konferentsiiasynda bastalǵan kelissózderdiń nátijesinde bul bastama júzege asyrylǵaly otyr. Joba óńirlik úilestirý keńesinde qoldaý taýyp, ony iske asyrý úshin qajetti memlekettik qoldaý sharalary kórsetilip, jer ýchaskeleri berildi. Jobanyń iske asyrylýy óńirdiń ónerkásiptik jáne ekologiialyq damýyna eleýli úles qosyp, jańa jumys oryndaryn ashýǵa, zamanaýi tehnologiialardy engizýge jáne aǵash shikizatyn tiimdi, keshendi ári qaldyqsyz paidalanýǵa múmkindik beredi», – dedi Berik Ýáli.
Joba órtten zardap shekken jáne sanitarlyq kesýge jatatyn aǵashty tiimdi óńdeýge, qosylǵan quny joǵary ónim shyǵarýǵa, óndiris qaldyqtaryn qaita paidalanýǵa jáne óńirdiń ónerkásiptik áleýetin arttyrýǵa baǵyttalǵan.
Jobanyń jalpy investitsiialyq kólemi 67 million AQSh dollaryn quraidy. Onyń aiasynda Semei qalasynda 50 gektar aýmaqta tolyq tsikldi indýstriialyq-ekologiialyq aǵash óńdeý parki, al Borodýliha aýdanyndaǵy Mihailovka aýylynda 4 gektar jerde aǵashty bastapqy óńdeý kesheni salynady.
Semeidegi keshende jylyna 2 million tekshe metrge deiin aǵash shikizatyn óńdep, 800–900 myń tekshe metr daiyn ónim shyǵarý josparlanǵan. Keshen quramyna jylyna 250–300 myń tekshe metr qýattylyqqa ie E1, E0 jáne ENF klasyndaǵy taqtalar óndiretin zaýyt, jylyna 250–300 myń tekshe metr qýattylyqqa ie OSB jáne FOSB taqtalaryn óndiretin zaýyt, jylyna 100 myń tekshe metrge deiin daiyn ónim shyǵaratyn jihaz óndirisi modýli, termiialyq modifikatsiialanǵan jáne antiseptikalyq óńdeýden ótken aǵash óndirisi, eýropalletter óndirisi, aǵash pelletteri men biootyn óndiretin zaýyt, organikalyq tyńaitqyshtar óndiretin zaýyt, qurylys-logistikalyq ortalyq jáne qajetti injenerlik infraqurylym enedi. Borodýliha aýdanyndaǵy keshende jylyna 500 myń tekshe metrge deiin aǵash óńdeý jáne 120–150 myń tonna pellet óndirý kózdelgen. Atalǵan alańda aǵashty qabyldaý, esepke alý jáne suryptaý, qabyǵyn arshý, sortimentterge bólý, aralaý, keptirý, usaqtaý jáne shikizatty tereń óńdeýge daiyndaý jumysy júrgiziledi. Daiyndalǵan aǵash Semei qalasyndaǵy negizgi óndiristik keshenge jiberiledi.
Joba aiasynda zamanaýi avtomattandyrylǵan óndiris iske qosylyp, aǵash shikizaty qaldyqsyz tehnologiia boiynsha tereń óńdeledi. Kásiporyndarda OSB jáne FOSB panelderi, MDF, aǵash-jańqaly taqtalar, fanera, shpon, injenerlik jáne árleý panelderi, jihaz daiyndamalary, aǵash pelletteri, biootyn jáne organikalyq tyńaitqyshtar óndiriletin bolady.
Tolyq qýatyna shyqqan kezde kásiporyndarda 900-ge deiin turaqty jumys orny ashylyp, óndirilgen ónim Qazaqstan naryǵymen qatar Ortalyq Aziia, Eýropa, Japoniia, Ońtústik Koreia jáne ózge de halyqaralyq naryqtarǵa eksporttalady.
Investorlardyń aitýynsha, jumysshylardyń 90 paiyzy jergilikti azamattardan quralady.
Kásiporynnyń aimaq ekonomikasy úshin mańyzyna toqtalǵan «Xinjiang Chunzheng Aosi Trading Co., Ltd.» kompaniiasynyń bas direktory Chjan Likai indýstriialyq-ekologiialyq park quramyna zamanaýi óndiris oryndary biriktiriletinin aityp, bul bastama aǵash óńdeý salasyn jańa deńgeige kóteretinin jetkizdi.
"Bizdiń joba orman aýmaqtaryn sanitarlyq tazartýdy, aǵashty bastapqy jáne tereń óńdeýdi, daiyn ónim, biootyn jáne organikalyq tyńaitqyshtar óndirýdi biriktiredi. Jobanyń negizgi qaǵidaty — aǵash shikizatynyń árbir bóligin barynsha tiimdi paidalaný jáne óndiristik qaldyqtardyń kólemin minimýmǵa deiin azaitý. Bul joba órtten zardap shekken orman ýchaskelerin sanitarlyq tazartý jumystaryn jedeldetýge, óńirde zamanaýi óńdeý ónerkásibin qalyptastyrýǵa jáne Qazaqstan men Qytai arasyndaǵy uzaq merzimdi ári ózara tiimdi yntymaqtastyqtyń úlgisine ainalatynyna senimdimiz", – dedi Chjan Likai.
Kásiporyn 2028 jyly paidalanýǵa beriledi dep josparlanyp otyr. Onyń iske asyrylýy óńirde aǵash óńdeý ónerkásibin damytýǵa, tabiǵi resýrstardy tiimdi paidalanýǵa jáne joǵary qosylǵan quny bar eksportqa baǵdarlanǵan ónim óndirýge múmkindik beredi.
Aita keteiik, biyl oblysta jalpy quny 131,2 mlrd teńge bolatyn 41 investitsiialyq jobany iske asyrý josparlanǵan. Sonyń nátijesinde 3263 jańa jumys orny ashylady. Al jyl basynan beri 34,62 mlrd teńge bolatyn 14 investitsiialyq joba paidalanýǵa berilip, 598 adam turaqty jumyspen qamtyldy.
