بٷگٸن سەمەي قالاسىندا «EcoForest» تولىق تسيكلدٸ ەكولوگييالىق اعاش ٶڭدەۋ ٶنەركەسٸپتٸك پاركٸنٸڭ ٸرگەتاسىن قالاۋ رەسٸمٸ ٶتتٸ, دەپ حابارلايدى dalanews.kz.
سالتاناتتى شاراعا وبلىس ەكٸمٸ بەرٸك ۋەلي, Xinjiang Chunzheng Aosi Trading Co., Ltd. كومپانيياسىنىڭ باس ديرەكتورى چجان ليكاي قاتىستى.
ايماق باسشىسى قۇتتىقتاۋ سٶزٸندە بۇل جوبانىڭ ٶڭٸردٸڭ ٶنەركەسٸپتٸك, ينۆەستيتسييالىق ەلەۋەتٸن ارتتىرۋعا, جاڭا جۇمىس ورىندارىن اشۋعا زور ٷلەس قوساتىنىن اتاپ ٶتتٸ.
«مەملەكەت باسشىسى قاسىم-جومارت كەمەلۇلى توقاەۆ ينۆەستيتسييا تارتۋدى ەلٸمٸزدٸڭ ەكونوميكالىق ساياساتىنىڭ باسىم باعىتتارىنىڭ بٸرٸ رەتٸندە ٷنەمٸ ايتىپ, تيٸستٸ تاپسىرما بەرٸپ كەلەدٸ. اباي وبلىسىندا ينۆەستورلار ٷشٸن قولايلى جاعداي جاساۋعا, ٶندٸرٸستٸك ينفراقۇرىلىمدى دامىتۋعا جەنە جاڭا ٶندٸرٸستەردٸ ٸسكە قوسۋعا ەرەكشە كٶڭٸل بٶلٸپ وتىرمىز. بٷگٸنگٸ جوبا – حالىقارالىق سەرٸكتەستٸكتٸڭ ناقتى نەتيجەسٸ. بىلتىر قىتاي حالىق رەسپۋبليكاسىندا ٶتكەن «ٷلكەن التاي» حالىقارالىق كونفەرەنتسيياسىندا باستالعان كەلٸسسٶزدەردٸڭ نەتيجەسٸندە بۇل باستاما جٷزەگە اسىرىلعالى وتىر. جوبا ٶڭٸرلٸك ٷيلەستٸرۋ كەڭەسٸندە قولداۋ تاۋىپ, ونى ٸسكە اسىرۋ ٷشٸن قاجەتتٸ مەملەكەتتٸك قولداۋ شارالارى كٶرسەتٸلٸپ, جەر ۋچاسكەلەرٸ بەرٸلدٸ. جوبانىڭ ٸسكە اسىرىلۋى ٶڭٸردٸڭ ٶنەركەسٸپتٸك جەنە ەكولوگييالىق دامۋىنا ەلەۋلٸ ٷلەس قوسىپ, جاڭا جۇمىس ورىندارىن اشۋعا, زاماناۋي تەحنولوگييالاردى ەنگٸزۋگە جەنە اعاش شيكٸزاتىن تيٸمدٸ, كەشەندٸ ەرٸ قالدىقسىز پايدالانۋعا مٷمكٸندٸك بەرەدٸ», – دەدٸ بەرٸك ۋەلي.
جوبا ٶرتتەن زارداپ شەككەن جەنە سانيتارلىق كەسۋگە جاتاتىن اعاشتى تيٸمدٸ ٶڭدەۋگە, قوسىلعان قۇنى جوعارى ٶنٸم شىعارۋعا, ٶندٸرٸس قالدىقتارىن قايتا پايدالانۋعا جەنە ٶڭٸردٸڭ ٶنەركەسٸپتٸك ەلەۋەتٸن ارتتىرۋعا باعىتتالعان.
جوبانىڭ جالپى ينۆەستيتسييالىق كٶلەمٸ 67 ميلليون اقش دوللارىن قۇرايدى. ونىڭ اياسىندا سەمەي قالاسىندا 50 گەكتار اۋماقتا تولىق تسيكلدٸ يندۋسترييالىق-ەكولوگييالىق اعاش ٶڭدەۋ پاركٸ, ال بورودۋليحا اۋدانىنداعى ميحايلوۆكا اۋىلىندا 4 گەكتار جەردە اعاشتى باستاپقى ٶڭدەۋ كەشەنٸ سالىنادى.
سەمەيدەگٸ كەشەندە جىلىنا 2 ميلليون تەكشە مەترگە دەيٸن اعاش شيكٸزاتىن ٶڭدەپ, 800–900 مىڭ تەكشە مەتر دايىن ٶنٸم شىعارۋ جوسپارلانعان. كەشەن قۇرامىنا جىلىنا 250–300 مىڭ تەكشە مەتر قۋاتتىلىققا يە E1, E0 جەنە ENF كلاسىنداعى تاقتالار ٶندٸرەتٸن زاۋىت, جىلىنا 250–300 مىڭ تەكشە مەتر قۋاتتىلىققا يە OSB جەنە FOSB تاقتالارىن ٶندٸرەتٸن زاۋىت, جىلىنا 100 مىڭ تەكشە مەترگە دەيٸن دايىن ٶنٸم شىعاراتىن جيھاز ٶندٸرٸسٸ مودۋلٸ, تەرمييالىق موديفيكاتسييالانعان جەنە انتيسەپتيكالىق ٶڭدەۋدەن ٶتكەن اعاش ٶندٸرٸسٸ, ەۋروپاللەتتەر ٶندٸرٸسٸ, اعاش پەللەتتەرٸ مەن بيووتىن ٶندٸرەتٸن زاۋىت, ورگانيكالىق تىڭايتقىشتار ٶندٸرەتٸن زاۋىت, قۇرىلىس-لوگيستيكالىق ورتالىق جەنە قاجەتتٸ ينجەنەرلٸك ينفراقۇرىلىم ەنەدٸ. بورودۋليحا اۋدانىنداعى كەشەندە جىلىنا 500 مىڭ تەكشە مەترگە دەيٸن اعاش ٶڭدەۋ جەنە 120–150 مىڭ توننا پەللەت ٶندٸرۋ كٶزدەلگەن. اتالعان الاڭدا اعاشتى قابىلداۋ, ەسەپكە الۋ جەنە سۇرىپتاۋ, قابىعىن ارشۋ, سورتيمەنتتەرگە بٶلۋ, ارالاۋ, كەپتٸرۋ, ۇساقتاۋ جەنە شيكٸزاتتى تەرەڭ ٶڭدەۋگە دايىنداۋ جۇمىسى جٷرگٸزٸلەدٸ. دايىندالعان اعاش سەمەي قالاسىنداعى نەگٸزگٸ ٶندٸرٸستٸك كەشەنگە جٸبەرٸلەدٸ.
جوبا اياسىندا زاماناۋي اۆتوماتتاندىرىلعان ٶندٸرٸس ٸسكە قوسىلىپ, اعاش شيكٸزاتى قالدىقسىز تەحنولوگييا بويىنشا تەرەڭ ٶڭدەلەدٸ. كەسٸپورىنداردا OSB جەنە FOSB پانەلدەرٸ, MDF, اعاش-جاڭقالى تاقتالار, فانەرا, شپون, ينجەنەرلٸك جەنە ەرلەۋ پانەلدەرٸ, جيھاز دايىندامالارى, اعاش پەللەتتەرٸ, بيووتىن جەنە ورگانيكالىق تىڭايتقىشتار ٶندٸرٸلەتٸن بولادى.
تولىق قۋاتىنا شىققان كەزدە كەسٸپورىنداردا 900-گە دەيٸن تۇراقتى جۇمىس ورنى اشىلىپ, ٶندٸرٸلگەن ٶنٸم قازاقستان نارىعىمەن قاتار ورتالىق ازييا, ەۋروپا, جاپونييا, وڭتٷستٸك كورەيا جەنە ٶزگە دە حالىقارالىق نارىقتارعا ەكسپورتتالادى.
ينۆەستورلاردىڭ ايتۋىنشا, جۇمىسشىلاردىڭ 90 پايىزى جەرگٸلٸكتٸ ازاماتتاردان قۇرالادى.
كەسٸپورىننىڭ ايماق ەكونوميكاسى ٷشٸن ماڭىزىنا توقتالعان «Xinjiang Chunzheng Aosi Trading Co., Ltd.» كومپانيياسىنىڭ باس ديرەكتورى چجان ليكاي يندۋسترييالىق-ەكولوگييالىق پارك قۇرامىنا زاماناۋي ٶندٸرٸس ورىندارى بٸرٸكتٸرٸلەتٸنٸن ايتىپ, بۇل باستاما اعاش ٶڭدەۋ سالاسىن جاڭا دەڭگەيگە كٶتەرەتٸنٸن جەتكٸزدٸ.
"بٸزدٸڭ جوبا ورمان اۋماقتارىن سانيتارلىق تازارتۋدى, اعاشتى باستاپقى جەنە تەرەڭ ٶڭدەۋدٸ, دايىن ٶنٸم, بيووتىن جەنە ورگانيكالىق تىڭايتقىشتار ٶندٸرۋدٸ بٸرٸكتٸرەدٸ. جوبانىڭ نەگٸزگٸ قاعيداتى — اعاش شيكٸزاتىنىڭ ەربٸر بٶلٸگٸن بارىنشا تيٸمدٸ پايدالانۋ جەنە ٶندٸرٸستٸك قالدىقتاردىڭ كٶلەمٸن مينيمۋمعا دەيٸن ازايتۋ. بۇل جوبا ٶرتتەن زارداپ شەككەن ورمان ۋچاسكەلەرٸن سانيتارلىق تازارتۋ جۇمىستارىن جەدەلدەتۋگە, ٶڭٸردە زاماناۋي ٶڭدەۋ ٶنەركەسٸبٸن قالىپتاستىرۋعا جەنە قازاقستان مەن قىتاي اراسىنداعى ۇزاق مەرزٸمدٸ ەرٸ ٶزارا تيٸمدٸ ىنتىماقتاستىقتىڭ ٷلگٸسٸنە اينالاتىنىنا سەنٸمدٸمٸز", – دەدٸ چجان ليكاي.
كەسٸپورىن 2028 جىلى پايدالانۋعا بەرٸلەدٸ دەپ جوسپارلانىپ وتىر. ونىڭ ٸسكە اسىرىلۋى ٶڭٸردە اعاش ٶڭدەۋ ٶنەركەسٸبٸن دامىتۋعا, تابيعي رەسۋرستاردى تيٸمدٸ پايدالانۋعا جەنە جوعارى قوسىلعان قۇنى بار ەكسپورتقا باعدارلانعان ٶنٸم ٶندٸرۋگە مٷمكٸندٸك بەرەدٸ.
ايتا كەتەيٸك, بيىل وبلىستا جالپى قۇنى 131,2 ملرد تەڭگە بولاتىن 41 ينۆەستيتسييالىق جوبانى ٸسكە اسىرۋ جوسپارلانعان. سونىڭ نەتيجەسٸندە 3263 جاڭا جۇمىس ورنى اشىلادى. ال جىل باسىنان بەرٸ 34,62 ملرد تەڭگە بولاتىن 14 ينۆەستيتسييالىق جوبا پايدالانۋعا بەرٸلٸپ, 598 ادام تۇراقتى جۇمىسپەن قامتىلدى.
