«Qasıetti uly dala úninen qýat alyp, epıkalyq hıssa – dastandarmen, ásem ánderimen tyńdarman jurtyna shýaq bergen, halyq arasynan shyqqan asqan daryn ıesi, aqyn, ánshi ári sazger Áset Naımanbaıulynyń shyǵarmashylyǵy ulttyq mýzyka ónerindegi qaıtalanbas dara qubylys. Osy kıeli murany keńinen nasıhattap, urpaqtan – urpaqqa jetkizý, talantty jastardy ónerdiń káýsar bulaǵynan nár alǵyzyp, sheberligin shyńdaýǵa yqpal etý maqsatynda SHQO ákimshiligi (Mádenıet, muraǵattar jáne qujattama basqarmasy) dástúrli oryndaýshylardyń Áset Naımanbaıuly atyndaǵy İİİ - respýblıkalyq baıqaýyn ótkizedi. Baıqaýdyń negizgi mindeti: uly ánshi, sazgerdiń shyǵarmashylyǵyn keńinen nasıhattaý ulttyq jáne álemdik mádenıet qundylyqtaryna taralýyna yqpal etý bolyp tabylady.» delingen basqarma taratqan baspasóz habarlamasynda.
Esterińizge sala ketsek, buryndary ótken bul baıqaýǵa tek Qazaqstannyń dástúrli án mektebiniń ókilderi ǵana emes, kórshiles jatqan shet elderden de qatysýshylar kelgen. Baıqaýdyń gala-konserti Qazaqstan Respıblıkasyna aty tanymal óner juldyzdarynyń qatysýymen ótetin. Bıylǵy baıqaýdyń ereksheligin shilde aıynyń sońynda biletin bolamyz. Al ázirge, Áset Naımanbaev atyndaǵy dástúrli oryndaýshylar baıqaýy Qazaqstan Respýblıkasynyń eńbek sińirgen qaıratkeri Jarqyn Shákárim jáne óner maıtalmandarynyń qazylyǵymen ótetini málim.
"QmD" aqparat
