Astana qalasynyń prokýratýrasymen «Oazis», «R-Club» jáne «R-ClubDeluxe» turǵyn úi keshenderiniń úlestik qurylysy boiynsha qylmystyq ister sotqa joldandy, dep habarlaidy Dalanews.kz.
Astana qalasy prokýratýrasynyń úilestirýimen azamattardyń qarajatyn úlestik qurylysqa zańsyz tartý deregi boiynsha qylmystyq isterdi tergep-tekserý aiaqtaldy.
Is-áreketteri 426-dan astam otbasynyń múddelerine 8,2 mlrd teńge kóleminde asa iri zalal keltirýge ákep soqqan adamdar tobyna qatysty qylmystyq ister sotqa joldandy.
Tergeý barysynda qylmystyq shemany uiymdastyrýshylar QR zańnamasynyń talaptaryn buza otyryp«Oazis», «R-Club» jáne «R-ClubDeluxe» turǵyn úi keshenderin salý úshin azamattardyń aqshalai qarajatyn tiisti ruqsattar almai tartqany anyqtaldy.
Tartylǵan aqshalai qarajat kózdelgen maqsatta paidalanylmady, al obektilerdiń qurylysy tiisti túrde júzege asyrylmady.
Jábirlenýshilerdiń azamattyq talaptaryn qamtamasyz etý maqsatynda,sottyń sanktsiiasymen jyljymaly jáne jyljymaityn múlikke, atap aitqanda 10 páterge, 36 jer ýchaskesine, 16 turǵyn emes úi-jaiǵa, 49 avtomashinaǵa tyiym salyndy.
Kúdikti 12 tulǵalarǵa qatysty «Kúzetpen ustaý» túrindegi bultartpaý sharasy qoldanyldy.
