Qaterli dertke dýshar bolsa da, emdelip shyǵamyz degen sertke berik balalardy «Samuryq-Qazyna» qorynyń ókilderi Astana men Almatyda merekemen quttyqtady.
Bizdiń elde «Úlkendi sen syılasań, kishi seni syılaıdy. Kishini sen syılasań kisi seni syılaıdy», - deıtin keremet sóz bar. Búgingi kezdesýler osy sóz ben túsiniktiń tereńdigin eske túsirdi.
«Samuryq-Qazyna» AQ kompanıalar toby qaıyrymdylyq qyzmetiniń biryńǵaı operatory – «Samruk-Kazyna Trust» qorynyń bastamasymen uıymdastyrylǵan sharada Astanadaǵy Ana men bala ulttyq ǵylymı ortalyǵy men Almaty qalasyndaǵy Pedıatrıa jáne balalar hırýrgıasy ǵylymı ortalyǵynda ońaltýdan ótip jatqan 310 balaǵa Jańa jyldyq syılyqtar men sertıfıkattar tartý etildi.
![](/uploads/images/20240127165624171.jpg)
Máselen, búgin Almatydaǵy ortalyqta onkologıalyq aýrýlary bar 155 bala em alyp jatyr. Osy kishkentaılarymyzdy enshiles kompanıalar atynan qordyń Qoǵammen baılanys, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov Jańa jyldyq sertıfıkattar tabystap, ata-analarymen tildesti.
«Qazir elimizde medısına salasy joǵary deńgeıde. Myqty qural-jabdyqtar bar. Dárigerlerimiz de óte bilikti. Sondyqtan osy synaqtan tez ótip, ómirlerińizde jarqyn kezeńder mol bolsyn!», - dedi Ǵıbrat Aýǵanov.
Dál osy kúni Astana qalasynyń Ana men bala ulttyq ǵylymı ortalyǵy da jańajyldyq kóńil-kúıge bólendi. Bul jerde de ońaltýdan ótip jatqan 155 balaǵa da arnaıy sertıfıkattar syılandy.
![](/uploads/images/20240127165624585.jpg)
Quny 50 000 teńge sertıfıkattar arqyly ata-analar balalarymen aqyldasyp, ózderi tańdaǵan kez-kelgen syılyqty «DBalalar álemi» dúkender jelisinen satyp ala alady.
Sonymen qatar, elordadaǵy psıhologıalyq-pedagogıkalyq túzetý kabınetinde tárbıelenýshi 500 erekshe bala da syılyqsyz qalmady. Olardy tańerteńgilikte kompanıalar tobyndaǵy eńbek ujymdary atynan quttyqtaǵan «Samruk-Kazyna Trust» qorynyń bas dırektory Alfıa Adıeva jetkinshekterge táttiler jıyntyǵyn úlestirdi.
«Armandar oryndalý kerek. Al biz, eresekter, bul jolda barynsha kúsh salatyn bolamyz. Bári múmkin, tek armandaı bilińder. Barshańa myqty densaýlyq pen ǵajaıypqa senim tileımin», - dedi Alfıa Adıeva.
Qaıyrymdylyqtyń basym baǵyttary densaýlyq saqtaý, bilim berý, buqaralyq sportty damytý jáne azamattardyń áleýmettik osal toptaryn qoldaýǵa negizdelgen.
![](/uploads/images/20240127165625034.jpg)