80 jastaǵy jetisailyq qariia qarqyndy baý ósirip otyr
Jetisai aýdanynyń Jańa aýyl aýyldyq okrýgine qarasty «Qaroi» eldi mekeniniń turǵyny 80 jastaǵy zeinetker Ázimjan Áliev aqsaqal óziniń ieligindegi 10 gektar alqapqa qaýyn-qarbyz, júzim, órik sekildi baý-baqshalardy ekken. Sonyń ishinde erekshe atap ótetini 2 gektar jerge intensivti baq ósirgen, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Ǵumyrynyń teń jartysyn meditsina men bilim salasyna arnaǵan, joǵary dárejeli hirýrg Ázimjan aqsaqal zeinetke shyqsa da eńbek etýden sharshamaidy.
Tashkent qalasynda ornalasqan Shreder atyndaǵy ǵylymi zertteý institýtynda selektsiia jasalǵan baýdaǵy almalar men shieler Jetisaidyń klimatyna ikemdelip pisip tur. Byltyr polshalyq almadan 2 tonna ónim alyp, ony aýyldastaryna tegin taratyp bergen. Biyl egilgenine 4 jyl bolǵan 200 túp shie aǵashtary nyshan kórsetip jemisin berip jatyr.
Óz úiinde 20 tonnaǵa jýyq kókónis saqtaityn tońazytqyshy bar. Jinalǵan ónimderdi sonda saqtap, odan tiisinshe qaq jáne tosap jasap nemerelerine jiberip otyrady. Baýdan bólek 3 gektar aýmaqtaǵy qaýyn-qarbyzyna qarap, tiisti agregattyq sharalardy traktorymen ózi jasai beredi.
«Atadan mal qalǵansha tal qalsyn» degen qaǵidany berik ustanǵan Ázimjan aqsaqal negizgi maqsatymyz – paida tabý emes, bolashaq urpaqqa paidaly iske jaraityn mol murany qaldyrý ekendigin aitty.
