80 جاستاعى جەتٸسايلىق قارييا قارقىندى باۋ ٶسٸرٸپ وتىر
جەتٸساي اۋدانىنىڭ جاڭا اۋىل اۋىلدىق وكرۋگٸنە قاراستى «قاروي» ەلدٸ مەكەنٸنٸڭ تۇرعىنى 80 جاستاعى زەينەتكەر ەزٸمجان ەليەۆ اقساقال ٶزٸنٸڭ يەلٸگٸندەگٸ 10 گەكتار القاپقا قاۋىن-قاربىز, جٷزٸم, ٶرٸك سەكٸلدٸ باۋ-باقشالاردى ەككەن. سونىڭ ٸشٸندە ەرەكشە اتاپ ٶتەتٸنٸ 2 گەكتار جەرگە ينتەنسيۆتٸ باق ٶسٸرگەن, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
عۇمىرىنىڭ تەڭ جارتىسىن مەديتسينا مەن بٸلٸم سالاسىنا ارناعان, جوعارى دەرەجەلٸ حيرۋرگ ەزٸمجان اقساقال زەينەتكە شىقسا دا ەڭبەك ەتۋدەن شارشامايدى.
تاشكەنت قالاسىندا ورنالاسقان شرەدەر اتىنداعى عىلىمي زەرتتەۋ ينستيتۋتىندا سەلەكتسييا جاسالعان باۋداعى المالار مەن شيەلەر جەتٸسايدىڭ كليماتىنا يكەمدەلٸپ پٸسٸپ تۇر. بىلتىر پولشالىق المادان 2 توننا ٶنٸم الىپ, ونى اۋىلداستارىنا تەگٸن تاراتىپ بەرگەن. بيىل ەگٸلگەنٸنە 4 جىل بولعان 200 تٷپ شيە اعاشتارى نىشان كٶرسەتٸپ جەمٸسٸن بەرٸپ جاتىر.
ٶز ٷيٸندە 20 تونناعا جۋىق كٶكٶنٸس ساقتايتىن توڭازىتقىشى بار. جينالعان ٶنٸمدەردٸ سوندا ساقتاپ, ودان تيٸسٸنشە قاق جەنە توساپ جاساپ نەمەرەلەرٸنە جٸبەرٸپ وتىرادى. باۋدان بٶلەك 3 گەكتار اۋماقتاعى قاۋىن-قاربىزىنا قاراپ, تيٸستٸ اگرەگاتتىق شارالاردى تراكتورىمەن ٶزٸ جاساي بەرەدٸ.
«اتادان مال قالعانشا تال قالسىن» دەگەن قاعيدانى بەرٸك ۇستانعان ەزٸمجان اقساقال نەگٸزگٸ ماقساتىمىز – پايدا تابۋ ەمەس, بولاشاق ۇرپاققا پايدالى ٸسكە جارايتىن مول مۇرانى قالدىرۋ ەكەندٸگٸن ايتتى.
