Qazaqstannyń birqatar óńirinde kópbalaly analarǵa jáne memlekettik nagradalary bar áielderge 8 naýryzǵa orai birjolǵy áleýmettik kómek tóleý josparlanǵan, dep habarlaidy Dalanews.kz.
Astana
Elordada shamamen 37 myń turǵynǵa tólem beriledi. Kópbalaly otbasylar men kópbalaly analar 2,5 AEK kóleminde, iaǵni 10 813 teńge alady.
Aqmola oblysy
Tólem mólsheri aýdanǵa qarai ózgeredi:
-
5 AEK (21 625 teńge) - Kókshetaý, Stepnogorsk, Qosshy, Býrabai jáne Esil aýdandarynda;
-
3 AEK (12 975 teńge) - Arshaly, Birjan sal, Jaqsy, Jarqaiyń, Zerendi jáne Tselinograd aýdandarynda;
-
2 AEK (8 650 teńge) - Sandyqtaý aýdanynda.
Qaraǵandy oblysy
Bul óńirde 25 myńnan asa adam qamtylady. Kópbalaly analar men tórt jáne odan kóp balasy bar otbasylarǵa 20 myń teńgeden tólenedi. Budan bólek áleýmettik osal toptarǵa merekelik dastarqan uiymdastyrylyp, azyq-túlik sebetteri taratylady.
Mańǵystaý oblysy
Kópbalaly analarǵa 15 myń teńge kóleminde tólem qarastyrylǵan. Kómek shamamen 14 myń adamǵa beriledi.
Ulytaý oblysy
Kópbalaly analarǵa 20 myń teńgeden tólenedi. Aimaqta bul sanatqa 9 375 ana kiredi.
Shymkent
Megapoliste 14 267 áielge 5 AEK kóleminde, iaǵni 21 625 teńgeden birjolǵy tólem beriledi.
Bul kómek "Altyn alqa", "Kúmis alqamen" marapattalǵan nemese "Batyr ana", "Ana dańqy" ordenderi bar kópbalaly analarǵa qarastyrylǵan.
