Májilistegi Úkimet saǵatynda Joǵary aýdıtorlyq palata ókili Tilegen Qaskın keıingi bes jylda joǵary bilim berý salasyna bólinetin qarajat 246 mlrd teńgeden 472 mlrd teńgege deıin kóbeıgenin aıtty, dep habarlaıdy Dalanews.kz.
Sonymen qatar, ol "Bolashaq" baǵdarlamasyna qatysty birqatar máseleni kóterdi. Onyń málimetinshe, mınıstrlik sheshimimen 340 úmitkerge 7,7 mlrd teńge kóleminde stıpendıa jalpy talaptarǵa saı kelmese de jeke tártippen berilgen.
Budan bólek, 151 stıpendıa bekitilgen lımıtten tys taǵaıyndalǵan. Ásirese, jasandy ıntellekt baǵyty boıynsha jospardyń oryndalýy nazar aýdartqan: qarastyrylǵan 54 granttyń 5-eýi ǵana berilip, qalǵan 49-y ózge baǵyttarǵa bólinip ketken.
