Qyrǵyzstan Ulttyq qaýipsizdik memlekettik komitetiniń tóraǵasy Kamchybek Tashiev ózine qatysty qozǵalǵan is boiynsha aqtalatynyna senimdi ekenin málimdedi. Bul týraly onyń advokaty Ikramidin Aitqulov Bishkek qalalyq sotyndaǵy jaryssóz barysynda aitqan sózderine silteme jasap habarlady, dep habarlaidy dalanews.kz.
Advokattyń aitýynsha, Tashiev ózine taǵylǵan aiyptardyń negizsiz ekenin aityp, túptiń túbinde ádil sheshim shyǵatynyna senetinin jetkizgen.
«Ol mindetti túrde aqtalatynyn aitty. Búgin bolmasa, erteń aqtalady. Óitkeni eshqandai zańsyz áreket jasaǵan joq», – dedi Aitqulov.
Sondai-aq qorǵaýshy bul qylmystyq isti qoldan jasalǵan dep sanaitynyn málimdedi. Onyń pikirinshe, is boiynsha aiyptalǵan tulǵalardy jaýapqa tartý zań talaptaryna qaishy júrgizilgen.
Búgin, 10 qyrkúiekte, Bishkek qalalyq sotynda «75 hat» isi boiynsha úkim shyǵarylady dep kútilýde. Kúnniń birinshi jartysynda taraptardyń jaryssózi aiaqtaldy. Úzilisten keiin is boiynsha barlyq aiyptalýshyǵa sońǵy sóz aitý múmkindigi beriledi. Odan keiin sýdialar sheshim qabyldaý úshin keńesý bólmesine ketedi.
