«7-20-25» boiynsha boryshyn tólei almaǵan adam joq
Mamandar esebinshe zaem alýshylardyń 60%-y ai saiyn 100 myń teńgeden kem soma tóleidi. Bul rette 7-20-25 baǵdarlamasy boiynsha zaem alýshylardyń 6%-y ǵana eń joǵary somany nesiege alǵan (Astana, Almaty, Atyraý, Aqtaý jáne Shymkent qalalarynda 20 mln. teńge, basqa aimaqtarda 12 mln.). Zaem alýshylardyń kópshiligi, al bul jalpy portfeldiń 37%-y, 10-nan15 million teńgege deiingi somada kredit rásimdegen.
– Baǵdarlama óziniń áleýmettik baǵdaryn tolyqtai rastady. Alaida 7-20-25 eń aldymen merzimdilik, tólem qabilettilik jáne qaitarym printsipterine negizdelgen ipoteka ekendigin umytpaýymyz kerek. Ol bank aldynda óziniń tólem qabiletin dáleldegen, jumys isteitin qazaqstandyqqa qoljetimdi, – dedi «Baspana» Ipotekalyq uiymy basqarma tóraǵasy Qairat Altynbekov.
24 qazan kúngi jaǵdai boiynsha, 7-20-25 baǵdarlamasy boiynsha birde bir qaitarylmaǵan qaryz joq. Qazaqstandyqtar 44,5 mlrd. teńge somasyna ótinish bergen. Bankter onyń ishinen somasy 30 mlrd. teńge bolatyn 2513 ótinimdi maquldaǵan.
«Baspana» Ipotekalyq uiymy» AQ Syrtqy bailanystar qyzmeti
