ماماندار ەسەبىنشە زاەم الۋشىلاردىڭ 60%-ى اي سايىن 100 مىڭ تەڭگەدەن كەم سوما تولەيدى. بۇل رەتتە 7-20-25 باعدارلاماسى بويىنشا زاەم الۋشىلاردىڭ 6%-ى عانا ەڭ جوعارى سومانى نەسيەگە العان (استانا، الماتى، اتىراۋ، اقتاۋ جانە شىمكەنت قالالارىندا 20 ملن. تەڭگە، باسقا ايماقتاردا 12 ملن.). زاەم الۋشىلاردىڭ كوپشىلىگى، ال بۇل جالپى پورتفەلدىڭ 37%-ى، 10-نان15 ميلليون تەڭگەگە دەيىنگى سومادا كرەديت راسىمدەگەن.
– باعدارلاما ءوزىنىڭ الەۋمەتتىك باعدارىن تولىقتاي راستادى. الايدا 7-20-25 ەڭ الدىمەن مەرزىمدىلىك، تولەم قابىلەتتىلىك جانە قايتارىم پرينسيپتەرىنە نەگىزدەلگەن يپوتەكا ەكەندىگىن ۇمىتپاۋىمىز كەرەك. ول بانك الدىندا ءوزىنىڭ تولەم قابىلەتىن دالەلدەگەن، جۇمىس ىستەيتىن قازاقستاندىققا قولجەتىمدى، – دەدى «باسپانا» يپوتەكالىق ۇيىمى باسقارما ءتوراعاسى قايرات التىنبەكوۆ.
24 قازان كۇنگى جاعداي بويىنشا، 7-20-25 باعدارلاماسى بويىنشا بىردە ءبىر قايتارىلماعان قارىز جوق. قازاقستاندىقتار 44،5 ملرد. تەڭگە سوماسىنا ءوتىنىش بەرگەن. بانكتەر ونىڭ ىشىنەن سوماسى 30 ملرد. تەڭگە بولاتىن 2513 ءوتىنىمدى ماقۇلداعان.
«باسپانا» يپوتەكالىق ۇيىمى» اق سىرتقى بايلانىستار قىزمەتى
