69 jastaǵy keiýana úsh nemeresimen jańa úiine ie boldy
Búgin 69 jastaǵy qala turǵyny Bibajar Salaeva úsh nemeresimen bes bólmeli jańa shańyraqqa kirip, qýanyshqa bólendi. Bul «Úles» qoǵamdyq qaiyrymdylyq qorynyń úlestirip jatqan otyzynshy úii.
Qonys toiǵa qatysqan oblystyq aqsaqaldar alqasynyń tóraǵasy Jarylqasyn Áziretbergenov, Túrkistan qalasy «Birlik» turǵyn úi alaby boiynsha atalmysh uiymnyń basshysy Taiyr Abdýaliev Bibiajar apaǵa izgi nietterin bildirip, jańa úidiń kiltin saltanatty túrde tapsyrdy.
Bir jarym aidyń ishinde qurylysy aiaqtalǵan jańa úi tabiǵi gaz, úi jihazdary, kórpe-tósek, ydys-aiaq, barsha kerek-jaraqpen jabdyqtalǵan.
Sharaǵa qatysqan «Úles» qoǵamdyq qaiyrymdylyq qory músheleri qysqa ýaqyt ishinde salynǵan úige kómek qolyn sozǵan jergilikti kásipkerlerge alǵysyn jetkizdi. Óz kezeginde J.Áziretbergenov atalmysh qordyń tóraǵasy R.Qoshqarovqa túrkistandyqtar atynan alǵys aityp, el igiligi jolyndaǵy atqaryp jatqan jumystaryna sáttilik tiledi.
