Astanada jedel járdem kólikterin zamanaýı beınebaqylaý júıelerimen jabdyqtaý jobasy bastaldy. Bul bastama dárigerler men pasıentterdiń qaýipsizdigin qamtamasyz etýge baǵyttalǵan,- dep habarlaıdy Dalanews.kz

Sońǵy 3 jylda elordada jedel járdem brıgadalaryna 66 ret shabýyl jasalǵan. Osyǵan baılanysty qala ákimdigi barlyq sanıtarlyq avtokólikti beınetirkeý keshenderimen jabdyqtaý týraly sheshim qabyldady.

«Qazirgi tańda barlyq deńgeıde medısına qyzmetkerleriniń qyzmet barysynda qaýipsizdigin qamtamasyz etýge úlken kóńil bólinýde. Búginde alǵashqy kólik tórt kameramen, GSM modýli bar beınetirkeý qurylǵysymen jáne beıneni naqty ýaqyt rejıminde jetkizetin monıtorymen jabdyqtaldy. Beıneaǵyn jedel járdem dıspecherlik qyzmetine de, Polısıa departamentiniń Jedel basqarý ortalyǵyna da jetkiziledi. Bul tótenshe jaǵdaılarǵa jedel áreket etýge jáne kólik ishinde de, syrtynda da bolyp jatqan jaǵdaıdy baqylaýǵa múmkindik beredi», – dep habarlady qalalyq Qoǵamdyq densaýlyq saqtaý basqarmasy.

Jyl sońyna deıin 100 jedel járdem kóligin beınebaqylaý júıelerimen jabdyqtaý josparlanyp otyr.

Jobaǵa qatysty pikirin qalalyq jedel medısınalyq járdem qyzmetiniń ókilderi de bildirdi. Astana qalalyq jedel medısınalyq járdem stansıasy dırektorynyń orynbasary Arman Baıanbaev ujym kórsetilip otyrǵan qoldaýǵa rızashylyqpen qaraıtynyn atap ótti.

«Bul joba medısına qyzmetkerleri men naýqastardyń qaýipsizdigin arttyrýǵa jasalǵan mańyzdy qadam. Sonymen qatar, atalǵan tehnologıa jedel járdem kólikteriniń qatysýymen bolatyn jol-kólik oqıǵalarynyń azaıýyna oń áser etedi», – dedi ol.

Atalǵan bastama Astana qalasynyń «Sıfrlandyrý jáne memlekettik qyzmetter basqarmasy» memlekettik mekemesiniń qoldaýymen júzege asyrylýda.

Eske sala keteıik, medısına qyzmetkerlerine jasalǵan shabýyldar jıilep ketkennen keıin Memleket basshysy olardyń qaýipsizdigin kúsheıtýdi jáne quqyqtaryn qorǵaýdy tapsyrǵan bolatyn.