Ishki ister ministrligi "Jol júrisi týraly" zańdaǵy ózgeristerge túsinikteme berdi, dep habarlaidy dalanews.kz.
Júrgizýshilerdiń meditsinalyq tekseristen ótýine qandai ózgerister engizildi?
"Júrgizýshilerdiń meditsinalyq tekseristen ótýi jańa talap emes. Bul norma 2014 jyldan beri "Jol júrisi týraly" zańda kórsetilgen. Qazir Densaýlyq saqtaý ministrligi men Ishki ister ministrliginiń aqparattyq júieleri ózara biriktirildi. Sonyń arqasynda mindetti meditsinalyq tekseristen ótkeni týraly málimet eki ministrliktiń júieleri arasynda avtomatty túrde beriledi", - dedi IIM ákimshilik politsiia komiteti tóraǵasynyń orynbasary Quralai Karina.
65 jastan asqan júrgizýshiler neni bilýi kerek?
"65 jastan asqan jáne múgedektigi bar júrgizýshilerge tek ár eki jyl saiyn meditsinalyq tekseristen ótse jetkilikti. Onyń nátijesi avtomatty túrde júiege túsedi. Sondyqtan eshqandai qosymsha anyqtama jinaýdyń nemese memlekettik organdarǵa baryp júrýdiń qajeti joq. Sondai-aq, júrgizýshi kýáliginiń merzimin uzartý nemese bul týraly IIM-ge jeke habarlaý talap etilmeidi. Azamattarǵa alańdaýǵa esh negiz joq. Eshqandai jańa talap nemese artyq qujat rásimdeý sharasy engizilgen joq. Barlyǵy burynǵydan da yńǵaily jáne qarapaiym túrde", - dedi ol.
IIM ókili blogerler men aqparattyq paraqsha ielerine jalǵan aqparat taratqany úshin zańda jaýapkershilik qarastyrylǵanyn eskertti.
"Aqparatty taratpas buryn onyń durystyǵyna kóz jetkizýdi suraimyz. Sebebi jalǵan málimet halyqty shatastyrýy múmkin. Sondyqtan tek memlekettik organdardyń resmi aqparatyna senýge keńes beremiz", - dedi politsiia polkovnigi.
