Ulttyq ekonomika vitse-ministri Arman Qasenov búginderi ulttyq valiýtamyzdyń nyǵaiyp jatqanyna ne túrtki ekenin túsindirip kórdi, dep habarlaidy Dalanews.kz.
Senatorlar aldynda sóz alǵan vitse-ministr 2024 jyly 1 AQSh dollarynyń quny 460-465 teńge deńgeiinde bolǵanyn eske saldy. Tipti, ótken jyly nyǵaiý 440 teńgege deiin júrgen. Ol kezde bul tólem balansy, munai baǵasy jáne basqa eksporttyq taýarlar, sondai-aq sanktsiia saiasaty siiaqty negizgi faktorlarǵa bailanysty boldy.
"Teńge fýndamentaldy deńgeiine oraldy. Irgeli deńgeiler qazir 1 AQSh dollary úshin shamamen 500 teńgeniń ainalysynda bolyp tur. Al dollar baǵamynyń 530-ǵa deiin shaqyrtaýy fýndamentaldy deńgeimen bailanysty bolmaǵan. Ony sanktsiialar engizilgen kezdegi emotsionaldy deńgeimen bailanystarǵan durys bolady. Al qazir biz tek fýndamentaldy deńgeige oralýdyń kýási bolyp otyrmyz", - dedi Arman Qasenov.
Ol óziniń bul paiymy qazirgi ýaqyttaǵy munai eksporty men importynyń deńgeii jáne munaidyń baǵasynyń qazirgi deńgeii jaǵdaiynda ózekti bolyp tabyoatynyn da naqtylai ketti.
Aita ketsek, ótken demalys kúnderi baǵamy nyǵaiyp bastalǵan ulttyq valiýta osy apta boiynda da edeýir kúsh jinady. 2025 jyly 13 aqpanda Ulttyq Banktiń resmi bekitken baǵamyna sáikes, 1 AQSh dollary 501,31 teńge boldy. Al aqsha aiyrbas oryndarynda amerikalyq valiýtanyń quny 500 teńgeden de tómendei túsken.
