Qazaqstanda Memleket basshysynyń eńbek qaýipsizdigin kúsheitý jáne azamattardyń eńbek quqyqtaryn qorǵaý jónindegi tapsyrmalaryn oryndaý aiasynda óndiristegi qaýipsizdik júiesin jetildirýge baǵyttalǵan keshendi sharalar qabyldanyp jatyr, dep habarlaidy dalanews.kz.
Qazaqstanda Memleket basshysynyń eńbek qaýipsizdigin kúsheitý jáne azamattardyń eńbek quqyqtaryn qorǵaý jónindegi tapsyrmalaryn oryndaý aiasynda óndiristegi qaýipsizdik júiesin jetildirýge baǵyttalǵan keshendi sharalar qabyldanyp jatyr, dep habarlaidy Dala News.
Úkimet otyrysynda eńbek jáne halyqty áleýmettik qorǵaý ministri Asqarbek Ertaevtyń aitýynsha, búginde ziiandy jáne qaýipti eńbek jaǵdailarynda jumys isteitin 479 myń qyzmetker memlekettik qoldaý jáne baqylaý sharalarymen qamtylǵan. Mundai qyzmetkerlerdiń basym bóligi Qaraǵandy, Pavlodar, Mańǵystaý jáne Shyǵys Qazaqstan oblystarynda shoǵyrlanǵan.
Ministrdiń málimetinshe, qyzmetkerlerdiń eńbek quqyqtaryn qorǵaý, jumyspen qamtýdy zańdastyrý jáne saqtandyrý júiesine tartý baǵytynda jumystar júrgizilýde. Qazirgi ýaqytta jazataiym oqiǵalardan mindetti saqtandyrý júiesimen 118 myń kásiporyn qamtylǵan. Sonymen qatar 19 myń ujymdyq shart tsifrlandyrylǵan, bul ótken jylmen salystyrǵanda eki ese kóp kórsetkish.
Eńbek zańnamasynyń saqtalýyn baqylaý maqsatynda 170 profilaktikalyq tekserý júrgizilgen. Bul kórsetkish ótken jyldyń sáikes kezeńimen salystyrǵanda 2,5 esege artqan.
Sondai-aq memlekettik eńbek inspektsiiasy 2,4 myńnan astam jospardan tys tekserý ótkizdi. Nátijesinde eńbek zańnamasynyń 2,8 myńǵa jýyq buzýshylyǵy anyqtalyp, oryndaýǵa mindetti 1630 nusqama berilgen. Budan bólek, 532 mln teńge kóleminde aiyppul salynsa, onyń 392 mln teńgesi óndirilgen. Qabyldanǵan sharalardyń nátijesinde 22 myńnan astam jumyskerdiń eńbek quqyqtary qorǵalǵan.
Ministrdiń aitýynsha, júrgizilip jatqan jumystar óndiristegi jaraqattaný deńgeiin tómendetýge múmkindik bergen. Atap aitqanda, 2024 jylmen salystyrǵanda óndiristegi jazataiym oqiǵalar sany 4,5%-ǵa, al ólimge ákelgen oqiǵalar 7,9%-ǵa azaiǵan.
Úkimet otyrysynda eńbek qatynastaryn baqylaýdyń jańa tsifrlyq tetikteri de tanystyryldy. Áleýmettik shielenisterdiń aldyn alý úshin Eńbek jáne halyqty áleýmettik qorǵaý ministrligi Eńbek táýekelderi kartasy arqyly 98 myń kásiporynǵa monitoring júrgizip otyr.
Baǵalaý nátijesinde 2,3 myń kásiporyn joǵary táýekel sanatyna, al 3,2 myń kásiporyn ortasha táýekel tobyna engizilgen.
Ministrdiń sózinshe, Eńbek táýekelderi kartasy ujymdyq sharttardyń bolýy, eńbek sharttarynyń tirkelýi, jalaqy men áleýmettik tólemderdiń ýaqytyly tólenýi sekildi kórsetkishterdi baqylaýǵa múmkindik beredi. Sonymen qatar júie kásiporyndardaǵy áleýmettik-eńbek ahýalyn aýdan deńgeiine deiin qadaǵalap, ákimdikter men quqyq qorǵaý organdaryna jedel taldamalyq aqparat usynady.
Budan bólek, áleýmettik áriptestikti damytý maqsatynda «HR Enbek» portalynda kásipodaqtardyń avtomattandyrylǵan jumys orny engizilmek. Jańa júie áleýmettik áriptestik týraly kelisimderdi tsifrlandyrýǵa, eńbek jaǵdailaryn baqylaýǵa, kásipodaq múshelerin esepke alýǵa jáne memlekettik eńbek inspektorlarynyń jumysyn jeńildetýge múmkindik beredi.
Ministrdiń aitýynsha, búginde elimizde 4 respýblikalyq, 58 salalyq, 25 aýmaqtyq jáne 444 jergilikti kásipodaq jumys isteidi. Al respýblikalyq úshjaqty komissiia jyl basynan beri eki otyrys pen eki jumys tobynyń kezdesýin ótkizgen.
