Jylyoi aýdanynda 2024 jylǵy sý tasqynynan keiin Qulsary aýdandyq prokýratýrasynyń ǵimaratyn qalpyna keltirýge 500 million teńgeden astam qarajat bólingeni týraly aqparat áleýmettik jelide qyzý talqylanyp jatyr, dep habarlaidy dalanews.kz.
Xaqmedia.kz jýrnalisi Madina Jatqanbaevanyń aitýynsha, aýdan ákiminiń orynbasary prokýratýra ǵimaratyna sý kirgenin jáne ony qalpyna keltirýge 500 million teńgeden astam qarjy jumsalǵanyn málimdegen.
Osydan keiin jýrnalist mán-jaidy anyqtaý úshin aýdan prokýratýrasyna baryp, aldymen kórshi ornalasqan politsiia bóliminiń qyzmetkerlerimen tildesken. Olar prokýratýra ornalasqan aýmaqqa sý kelmegenin aityp, ǵimarattyń sý astynda qalmaǵanyn jetkizgen.
“Sý bul aýmaqqa jetken joq”, – deidi politsiia qyzmetkerleri.
Al prokýratýra qyzmetkerleri kerisinshe, ǵimaratqa sý kirgenin rastaǵan.
Qarama-qaishy jaýaptarǵa bailanysty jýrnalist politsiia qyzmetkerlerinen bul aqparatty qaita naqtylaǵan. Olar óz sózinde bul aýmaqqa sý múlde kelmegenin taǵy da qaitalap, prokýratýra ǵimaraty da sý astynda qalmaǵanyn aitqan.
Osylaisha, aýdan ákimdigi, prokýratýra jáne politsiia qyzmetkerleriniń málimdemeleri bir-birine qaishy shyqty.
“Eger prokýratýra ǵimaratyn sý baspaǵan bolsa, ony qalpyna keltirýge bólingen 500 million teńgeden astam qarajat qaida jumsaldy? Prokýratýranyń qyzmetin mundai jaǵdaida kim tekseredi?”, - dep saýal tastady Madina Jatqanbaeva.
