Basilaianyń sózinshe, saiasatkerdi tergeý abaqtysyndaǵy aýrýhanadaǵy bólmeden alyp ketken. Keiin ol Saakashvili ózine kelgenin aityp, "meditsinalyq turǵydan baǵa bere almaimyn, biraq jaǵdaiy óte aýyr boldy" degen.
Eks-prezident 1 qazannan beri ashtyq jariialap jatyr. Ol ózine qarsy qozǵalǵan qylmystyq isterdi jabýdy talap etedi. Endi qazir ózin kádimgi aýrýhanaǵa aýystyrýyn surap jatyr.
Grýziiada eki qylmystyq is boiynsha syrttai sottalǵan eks-prezident 29 qyrkúiekte Grýziiaǵa oralǵan sátte ustalǵan. Oǵan prezident bolyp turǵanda, qyzmetin asyra paidalandy degen aiyp taǵyldy. Qazir onyń ústinen taǵy bir is qozǵaldy.
Oppozitsiia Saakashvili saiasi júiemen qýǵyndalyp jatqanyn aityp, birneshe depýtat ony qoldap ashtyq jariialaǵan.
Eýroodaqtyń birqatar zań shyǵarýshylary Latviia jáne Ýkrainanyń burynǵy prezidentteri grýzin biligin Saakashvilidi bostandyqqa shyǵarýdy talap etti.
Saiasatkerdi bosatý úshin grýzin prezidenti oǵan raqymshylyq jasaýy tiis. Biraq Salome Zýrabishvili ondaiǵa barmaitynyn aityp keledi.
