باسيلايانىڭ سٶزٸنشە, ساياساتكەردٸ تەرگەۋ اباقتىسىنداعى اۋرۋحاناداعى بٶلمەدەن الىپ كەتكەن. كەيٸن ول سااكاشۆيلي ٶزٸنە كەلگەنٸن ايتىپ, "مەديتسينالىق تۇرعىدان باعا بەرە المايمىن, بٸراق جاعدايى ٶتە اۋىر بولدى" دەگەن.
ەكس-پرەزيدەنت 1 قازاننان بەرٸ اشتىق جارييالاپ جاتىر. ول ٶزٸنە قارسى قوزعالعان قىلمىستىق ٸستەردٸ جابۋدى تالاپ ەتەدٸ. ەندٸ قازٸر ٶزٸن كەدٸمگٸ اۋرۋحاناعا اۋىستىرۋىن سۇراپ جاتىر.
گرۋزييادا ەكٸ قىلمىستىق ٸس بويىنشا سىرتتاي سوتتالعان ەكس-پرەزيدەنت 29 قىركٷيەكتە گرۋزيياعا ورالعان سەتتە ۇستالعان. وعان پرەزيدەنت بولىپ تۇرعاندا, قىزمەتٸن اسىرا پايدالاندى دەگەن ايىپ تاعىلدى. قازٸر ونىڭ ٷستٸنەن تاعى بٸر ٸس قوزعالدى.
وپپوزيتسييا سااكاشۆيلي ساياسي جٷيەمەن قۋعىندالىپ جاتقانىن ايتىپ, بٸرنەشە دەپۋتات ونى قولداپ اشتىق جارييالاعان.
ەۋرووداقتىڭ بٸرقاتار زاڭ شىعارۋشىلارى لاتۆييا جەنە ۋكراينانىڭ بۇرىنعى پرەزيدەنتتەرٸ گرۋزين بيلٸگٸن سااكاشۆيليدٸ بوستاندىققا شىعارۋدى تالاپ ەتتٸ.
ساياساتكەردٸ بوساتۋ ٷشٸن گرۋزين پرەزيدەنتٸ وعان راقىمشىلىق جاساۋى تيٸس. بٸراق سالومە زۋرابيشۆيلي وندايعا بارمايتىنىن ايتىپ كەلەدٸ.
