2025 jylǵy monitoring qorytyndysy boiynsha sybailas jemqorlyqqa qarsy zańnamany buzýdyń 122 deregi anyqtalyp, ondaǵan memlekettik qyzmetker jaýapkershilikke tartyldy, dep habarlaidy Dalanews.kz.
Memlekettik qyzmet isteri agenttiginiń málimetinshe, 13 adam ákimshilik jaýapkershilikke, 58 adam tártiptik jaýapkershilikke tartylǵan. Taǵy 43 tulǵa memlekettik qyzmetten bosatylǵan. Sybailas jemqorlyq táýekelderine júrgizilgen syrtqy taldaý aiasynda 655 usynym berilip, onyń 57%-y oryndalǵan.
Buǵan deiin agenttik tóraǵasynyń orynbasary Salaýat Muqsimov Senat otyrysynda jemqorlyqqa qarsy saiasatty iske asyrý barysy týraly baiandaǵan. Onyń aitýynsha, ótken jyly Prezident Jarlyǵyna sáikes agenttikke antikorrýptsiialyq saiasatty qalyptastyrý jáne iske asyrý, jemqorlyqqa qarsy mádenietti damytý jáne quqyqbuzýshylyqtyń aldyn alý ókilettigi berilgen. Qazir bul baǵyttaǵy jumys júieli negizde júrgizilýde.
Antikorrýptsiialyq saiasat tujyrymdamasy sheńberinde josparlanǵan 61 is-sharanyń 46-sy oryndalǵan, bul 75%-dy quraidy. Reformalardyń negizgi baǵyttary retinde tsifrlandyrý jáne debiýrokratizatsiia aiqyndalǵan. Memlekettik organdar memlekettik qyzmetterdi ońtailandyrý men avtomattandyrýdy jalǵastyryp, jasandy intellekt tehnologiialaryn engizýde.
Sonymen qatar «Tsifrlyq teńge» platformasynda biýdjet qarajatynyń qozǵalysyn túpki alýshyǵa deiin baqylaýǵa múmkindik beretin «aqshany boiaý» pilottyq jobasy iske asyrylyp jatyr. Bul tetik shyǵystardyń ashyqtyǵyn arttyryp, qarajattyń maqsatty jumsalýyn qamtamasyz etýge baǵyttalǵan.
Qazirgi tańda Parlamentte sybailas jemqorlyqqa qarsy sharalardy kúsheitýge baǵyttalǵan eki zań jobasy qaralýda. Budan bólek, «Qazaqstan Respýblikasynyń memlekettik qyzmeti týraly» zańnyń jańa redaktsiiasy ázirlengen. Onda memlekettik qyzmet qundylyqtaryn jańartý, qyzmetkerlerdiń moraldyq-etikalyq beinesine qoiylatyn talaptardy kúsheitý, klientke baǵdarlanǵan modeldi engizý jáne aldyn alý tetikterin kúsheitý kózdelgen.
Agenttik ókilderi jemqorlyqqa qarsy saiasatty jetildirý jáne halyqaralyq usynymdardy iske asyrý jumystary jalǵasatynyn málimdedi.h
