Elimizde «Jas keńes» syilyǵyna ótinishter qabyldanyp jatyr. Konkýrsty Prezident janyndaǵy Jastar saiasaty jónindegi keńes uiymdastyryp otyr. Jas mamandarǵa arnalǵan bul konkýrs biyl ekinshi ret bolmaq. Konkýrske kimder qatysa alady jáne bul konkýrs nesimen erekshe? Bul suraqtarǵa jaýap alý úshin Dalanews.kz tilshisi Túrkistan oblysy qoǵamdyq damý basqarmasy «Jastar resýrstyq ortalyǵy» KMM-niń basshy orynbasary Eskýlov Perdebek Serjanulymen suhbattasty.
«Jas Keñes Siyliği» konkýrsyna kez kelgen salada eńbek etetin 35 jasqa deiingi azamattar úmitker bola alady.
"Baiqaýǵa 14 pen 34 jas aralyǵyndaǵy Qazaqstan azamattary qatysa alady. Joba túrli salada belsendilik tanytyp júrgen jas mamandardy qoldaýǵa baǵyttalǵan. Qatysýshylardyń arasynda tazalyq salasynyń qyzmetkerleri men qutqarýshylardan bastap, bilim men ǵylym, densaýlyq saqtaý, aqparattyq tehnologiialar, kreativti indýstriia, atom energetikasy, aýyl sharýashylyǵy men óndiris ókilderi bar", - deidi Perdebek Serjanuly.
Mamannyń aitýynsha, biyl nominatsiialar sany artty – burynǵy 7 atalymǵa 3 jańa baǵyt qosylyp, jalpy 10 nominatsiia boiynsha úzdikter anyqtalady. Atap aitqanda:
-
«Janqiarlyq» – ishki ister jáne qarýly kúshter salasynyń qyzmetkerlerine,
-
«Altyn jürek» – meditsina salasyna,
-
«Önerkäsip» – ónerkásip salasyna,
-
«Bolaşaq turaly qamqorlyq» – áleýmettik qyzmetkerler men eriktilerge,
-
«Bilim jäne Ğylym» – bilim jáne ǵylym salasynyń mamandaryna,
-
«Qaisar» – tótenshe jaǵdai qyzmetkerlerine,
-
«Altyn qol» – jumysshy mamandyq ielerine,
-
«Zharyq» – energetika salasyna,
-
«Örken» – agroónerkásip salasyna,
-
«Örleu» – aqparattyq-kommýnikatsiialyq tehnologiia salasynyń úzdikterine arnalǵan.
"Barlyq nominatsiia – mańyzdy, sebebi olar jastardyń damýyn, qoǵamǵa qosar úlesin jáne belsendiligin kórsetedi. Bul baiqaý — ár jastyń óz qabiletin tanytyp, moiyndalýyna múmkindik beretin tamasha alań", - deidi Eskýlov Perdebek.
Túrkistan oblysy qoǵamdyq damý basqarmasy «Jastar resýrstyq ortalyǵy» KMM-niń basshy orynbasary konkýrstyq irikteý 3 kezeńnen turatynyn eske saldy.
"Aldymen ótinimderdiń tolyqtyǵy men durys toltyrylýy tehnikalyq turǵydan baǵalanady. Ekinshi kezeńde komissiia músheleri kelip túsken anketalardy jeke-jeke qarap shyǵyp, ár nominatsiia boiynsha keminde bes úmitkerden turatyn qysqa tizimdi jasaidy. Úshinshi kezeńde osy úmitkerler komissiiamen oflain nemese onlain formatta suhbattasady. Suhbat nátijesine qarai eń joǵary ball jinaǵan eki qatysýshy ár nominatsiia boiynsha jeńimpaz atanady", - deidi ol.
Baiqaý nátijesinde 10 nominatsiia boiynsha 20 jeńimpaz anyqtalady. Olardyń árqaisysy 1 million teńge kóleminde qarjylai syiaqyǵa ie bolady.
Perdebek Serjanuly bul baiqaý jastardy qoǵamdyq belsendilikke jáne kásibi damý jolyna yntalandyratynyn aitty.
"Bul baiqaý jastardy naqty áreketke itermeleitin, maqsat qoiý men soǵan jetýge múmkindik beretin tiimdi qural. Qarjylai qoldaý – úlken motivatsiia: Kóptegen jas úshin mundai soma – óz ideiasyn júzege asyrýǵa, jobasyn bastaýǵa nemese kásibi biliktiligin arttyrýǵa naqty múmkindik. Sonymen qatar, ol – eńbektiń baǵalanýy. Bul jasqa jaýapkershilik pen senimdilik beredi, sondai-aq, kelesi joly qatysýshylar sany artady", - deidi maman.
Perdebek Serjanulynyń aitýynsha, konkýrs maqsatynyń biri - eńbek adamdaryn marapattaý.
"Syilyq qazaqstandyq qoǵam úshin mańyzdy salalarda jumys isteitin, kúndelikti eńbegi men erligi otandastarynyń kópshiligine kórinbeitin jas qazaqstandyqtardy kótermeleý maqsatynda beriledi", - deidi ol.
Perdebek Serjanuly elimizdegi jas mamandardy konkýrsqa qatysýǵa shaqyrdy.
"Barsha jas mamandar men belsendi jastardy «Jas Keñes Siyliği» baiqaýyna qatysýǵa shaqyramyn. Baiqaý - bul óz-ózińdi kórsetý múmkindigi. Senimdi bol jáne belsendilik tanyt, óz jumysyńa sen, jáne basqa jastarǵa shabyt syila", - dep qorytyndylady ol.
