Al aǵymdaǵy jyly 132,7 myń gektar egilip, boljam boıynsha ár gektarynan 25 sentnerden 332 myń tonna shıtti maqta jınaý josparlanýda.
Aǵymdaǵy jyly QR Aýyl sharýashylyǵy mınıstrliginiń 2018 jylǵy 12 shildedegi № 297 buıryǵyna sáıkes, maqta óńdeý kásiporyndaryna tapsyrylǵan 1 tonna ónimine 10 myń teńge sýbsıdıa tóleý josparlanýda. Bul baǵytqa 2,7 mlrd. teńge qarjy qaralyp otyr.
Bıylǵy jyly kóktemgi jáne kúzgi dala jumystaryn júrgizýge 78,2 myń tonna janar-jaǵar maı bólinip, kóktemgi dala jumystaryn júrgizýge bólingen 38 myń tonna janarmaı tolyǵymen taýar óndirýshilerge bosatylǵan. Al kúzgi dala jumystaryna bólingen 40,2 myń tonna janar-jaǵar maıdyń qarjysy tolyq tólenip, búgingi tańǵa 19,5 myń tonnasy taýar óndirýshilerge bosatyldy. Janar-jaǵar maıdyń aýylsharýashylyq taýar óndirýshilerine berilgen baǵasy ishki naryqtaǵy baǵadan 20 teńge arzan.
Oblys boıynsha jınalǵan shıtti maqtany alǵashqy óńdeýden ótkizetin 23 lısenzıalanǵan maqta óńdeý kásiporyndarynyń 304 maqta qabyldaý beketteri bar. Negizinen óńdelgen maqta talshyǵynyń 85-90 paıyzy Reseı, Belarýsıa, Latvıa, Lıtva men Qytaı syndy elderine eksporttalady.
Túrkistan oblysy ákiminiń baspasóz qyzmeti
