ال اعىمداعى جىلى 132،7 مىڭ گەكتار ەگىلىپ، بولجام بويىنشا ءار گەكتارىنان 25 سەنتنەردەن 332 مىڭ توننا ءشيتتى ماقتا جيناۋ جوسپارلانۋدا.
اعىمداعى جىلى ق ر اۋىل شارۋاشىلىعى مينيسترلىگىنىڭ 2018 جىلعى 12 شىلدەدەگى № 297 بۇيرىعىنا سايكەس، ماقتا وڭدەۋ كاسىپورىندارىنا تاپسىرىلعان 1 توننا ونىمىنە 10 مىڭ تەڭگە سۋبسيديا تولەۋ جوسپارلانۋدا. بۇل باعىتقا 2،7 ملرد. تەڭگە قارجى قارالىپ وتىر.
بيىلعى جىلى كوكتەمگى جانە كۇزگى دالا جۇمىستارىن جۇرگىزۋگە 78،2 مىڭ توننا جانار-جاعار ماي ءبولىنىپ، كوكتەمگى دالا جۇمىستارىن جۇرگىزۋگە بولىنگەن 38 مىڭ توننا جانارماي تولىعىمەن تاۋار وندىرۋشىلەرگە بوساتىلعان. ال كۇزگى دالا جۇمىستارىنا بولىنگەن 40،2 مىڭ توننا جانار-جاعار مايدىڭ قارجىسى تولىق تولەنىپ، بۇگىنگى تاڭعا 19،5 مىڭ تونناسى تاۋار وندىرۋشىلەرگە بوساتىلدى. جانار-جاعار مايدىڭ اۋىلشارۋاشىلىق تاۋار وندىرۋشىلەرىنە بەرىلگەن باعاسى ىشكى نارىقتاعى باعادان 20 تەڭگە ارزان.
وبلىس بويىنشا جينالعان ءشيتتى ماقتانى العاشقى وڭدەۋدەن وتكىزەتىن 23 ليسەنزيالانعان ماقتا وڭدەۋ كاسىپورىندارىنىڭ 304 ماقتا قابىلداۋ بەكەتتەرى بار. نەگىزىنەن وڭدەلگەن ماقتا تالشىعىنىڭ 85-90 پايىزى رەسەي، بەلارۋسيا، لاتۆيا، ليتۆا مەن جۇڭگو سىندى ەلدەرىنە ەكسپورتتالادى.
تۇركىستان وبلىسى اكىمىنىڭ باسپا ءسوز قىزمەتى
